туохт.
1. Туох эмэ уустук, бириинчик өттүн таба көр, таба өйдөө. ☉ Правильно понимать, вникать в тонкости чего-л.
Кини быраас быһыытынан, олох ымпыгын-чымпыгын мындырдаан билэринэн, эмиэ билиилээх, аптарытыаттаах эмчит. Р. Баҕатаайыскай
Бул чут сыыстарбатах этэ. Кини мындырдаан көрө үөрэммит хараҕа сотору кэминэн сыыр эниэтигэр арҕах дьөлө охсуллубутун көрбүтэ. Тумат. Тугу барытын олус мындырдаан көрөр быһыылааҕа. «ХС»
△ Тугу эмэ дириҥник иһигэр киирэн, ымпыктаан-чымпыктаан оҥор, бил. ☉ Проявлять тонкость, скрупулёзность в выполнении чего-л., в каком-л. д е л е
Саха киһитэ төрөөбүт-үөскээбит айылҕатын дьиктитин-дьээ бэтин …… мын дырдаан билэ-көрө үөрэнэрин наадалааҕынан ааҕабын. Тумат. Н и к о л а й В асильевич нэһилиэгин сирдэрин мындырдаан олус сиһилии билэр. Баг дарыын Сүлбэ. Тириини таҥастаа һын — тириини салгыҥҥа сиэтии. Бу саха омук мындырдаан, уһун сылларга бэйэтэ айбыт ньымата буолар. «ХС»
2. Киһи дэбигис сатаабатын курдук уустук, бириинчик, ордук уус-уран буолар гын, оҥор. ☉ Выполнять, делать что-л. очень искусно, умело, ювелирно
[Ырыа Ылдьаа] бэйэтэ мындырдаан саха кырыымпатын арааһын сиэдэрэйдик оҥорор. «ХС»
[Охоноос] тутуу үлэтигэр да дьо ҕурдаах, сүрдээх сыстаҕас. Ол иһин даа чатыгар бэркэ диэн мындырдаан ону-маны оҥорбута баар буолар. «Кыым»

даҕ.
1. Төһө эрэ ыйааһыны тардар, үктүүр. ☉ Имеющий какой-л. вес
Абыдал [оҕус аата] туонна ыйааһыннаах атыыр оҕуһу муоһунан баһан ылан, үрэххэ илгэн кэбиспитэ. Н. Заболоцкай
«Ат тардыыта» диэн сыарҕалаах ат тардарыгар сөптөөх ыйааһыннаах таһаҕас. ПАИ СМС
Туундара куобаҕа ордук бөдөҥ, үскэл, түөрт аҥаар-биэс киилэлээх. Онтон атына ортотунан икки аҥаар-үс киилэ ыйааһыннаах. ПАЕ КБАТ
2. көсп. Дьоҥҥо-сэргэҕэ улахан сабыдыаллаах, аптарытыаттаах. ☉ Обладающий большим влиянием, пользующийся авторитетом
Дьоҥҥо-сэргэҕэ сөбүлэттэ, хаһаайыстыба да кыаҕырда, бэйэтэ оройуоҥҥа биир ыйааһыннаах киһинэн биллэр. Георг. Васильев
Нэһилиэк кинээһэ ааттаах киһи билигин даҕаны дьонугар-сэргэтигэр ыйааһыннаах буолуохтаах. ВС ХД
Кини бэйэтин дойдутугар ыйааһыннаах, убаастанар буолан …… Сорос фондатыттан көмө анаппыт. «Кыым»
3. көсп. Киһини чахчы итэҕэтэр, сүрдээх ылыннарыылаах (ким эмэ тылынөһүн туһунан). ☉ Такой, который заставляет поверить чему-л., весьма убедительный, весомый (о чьей-л. речи)
Улуус кулубатын үтүө сураҕа уонна ыйааһыннаах тыла Дьокуускай күбэринээтэригэр тиийэ биллэр буолбута. Ойуку
Кинилэр иккиэн местком чилиэннэрэ эҥин буоланнар …… ыйааһыннаах тыллаах дьонунан ааҕыллаллара. «ХС»
Кини хас биирдии тыла ыйааһыннааҕын бигэргэтэрдии дьон диэки өтөрүтэ-батарыта көрбөхтүүр уонна сөмүйэтинэн суптурута ыйбахтыыр. ЖЕА ТС