дьүһ. туохт.
1. Токурбокур субулун. ☉ Тянуться в длину, быть слишком длинным
Үүнүүлээх от быыһынан орҕочуйбут ыллык суолунан өр айаннаатылар. Амма Аччыгыйа
Халыҥ сиһи ортотунан орҕочуйбут суол устун массыыналар ыараханнык биигинэһэллэр. А. Фёдоров
2. Төттөрү-таары кэл-бар, сыбыытаа, сундулуҥнаа. ☉ Сновать туда-сюда (о чём-л. удлинённой ф.). Манан түүннэри-күнүстэри оптуобустар орҕочуйаллар

туохт.
1. Улаханнык ытаа, сарылаа (кыһыл оҕо туһунан). ☉ Сильно кричать, плакать (о грудном ребенке)
Тэрэнтэй суорҕаҥҥа сууламмыт, ытаан бэбээрэр кыһыл оҕону көтөхпүтүнэн, көлүллэн бэлэм турар хара ат сыарҕатыгар олоро охсоот, дьиэтин диэки куйаардыбыт. Л. Попов
Арай үтүлүктээх бэргэһэбин устуом икки ардыгар кыһыл оҕо саҥата бэбээрэ түстэ. В. Ойуурускай
Маарыйа суорҕаҥҥа сууламмыт ытаан бэбээрэр быыкаайык оҕотун санаата. «ХС»
2. Тохтобула суох улаханнык саҥар (курупааскы, мэкчиргэ о. д. а. тустарынан). ☉ Громко и непрерывно издавать звуки «бэ-бэ» (о куропатках, совах и т. д.)
Кини чугаһаан истэҕин аайы, курупааскылар бэбээрэ күлбүтүнэн, өрө көтөн тахсан истилэр. Амма Аччыгыйа
Тыа саҕатыгар хабдьы баҕадьы, этиһэн эрэр тыллаах дьахтар курдук, өрүскэлэспиттии бэбээрэр. Софр. Данилов
Сытарбытын аҕай кытта, хайа үрдүгэр мэкчиргэ бэбээрбитэ. Сотору соҕус иккиһин бэбээрбитэ. Онтон үсүһүн. Н. Якутскай
3. көсп. Күүскэ уһуннук гудуоктаа (хол., массыына гудуогунан). ☉ Сильно и долго гудеть (напр., о сигнале автомашины)
Бастаан үлэҕэ барааччы сатыы дьон айдааннара намырыйыыта автомобиллар мотуордара биигинэстилэр, гудуоктара тиэтэйэн бэбээрдилэр. Софр. Данилов
Бириэмэм миэнэ бүттэ быһыылаах, барар массыынам ыҥыран бэбээрдэ. М. Тимофеев