туохт.
1. Уу ньуурун хамсат, ууну ыһыахтаа (хол., сөтүөлээн). ☉ Плескаться в воде, брызгаться
Отут оҕо биир күөлү чалбааттыыллар үһү (тааб.: кыламан). Күөл соҕуруу баһыгар уол ууга чалбааттыыр тыаһа иһилиннэ. М. Попов
2. көсп. Дэлэй аһы тоҕо-хоро элбэхтик аһаа. ☉ Пировать (обычно с употреблением большого количества жирной пищи, спиртного)
Биһиги аһаан-сиэн чалбааттаан бүтэн, балыктыырга тэриннибит. Софр. Данилов
Бу үлүгэрдээх иэдээн тахсыбытын кэннэ арыгылаан чалбааттыы олоруоҥ дуо? С. Тумат
ср. туркм. чарпынмак ‘барахтаться; хлопотать, суетиться’

туохт.
1. Туох баар түргэҥҥинэн сүүр. ☉ Бежать со всех ног. Ат муоһатын соспутунан бырдааттанан, тоҥуу хаарынан өрө быччайан тиийэн, олбуор айаҕар хоруйда. Болот Боотур
Оол, кини сүүрэн бырдааттанна Уу баһар оргуһуоҕун миҥэлэнэн, Оол, кини саатын тыаһа сатараата. П. Егоров
Төкөйө буоллаҕына ити кэннэ, икки кыыһы тэҥинэн эккирэтэн, булгунньах туруору эниэтинэн таҥнары бырдааттанан түһэн иһэрэ. С. Курилов (тылб.)
2. Ыһыахтан, бырдаҥалаа (ууга туох эмэ, хол., буулдьа түһэриттэн). ☉ Брызгаться, разбрызгиваться
Днепр тымныы долгуннарын Туоруур саха уола, Тула ууга бырдааттанар Ардах буулдьа суола. И. Чаҕылҕан
Уолчаан тыа диэки чулум-чалым ууга харса суох ойуолаан бырдааттанна. П. Тобуруокап
3. Өрүтэ тэбиэлээ, мөҥк (көлө туһунан). ☉ Лягаться, брыкаться
Мордьо күтэр, ону истээт, Мөҥөн бырдааттаммыт, — Баҕатын дьэ, саатта эбээт, — Бырахпыт да бырахпыт. С. Данилов