туохт.
1. Быыс-арыт булан туох эмэ иһигэр киир, билин (сиик, убаҕас, тымныы о. д. а. тустарынан). ☉ Проникнуть, пробраться внутрь чего-л. (напр., о жидкости, холоде и т. д.)
Бэргэһэм сыҥааҕын баанан, сонум саҕатын туруоран баран, ол таһынан саал былааппынан тууна бааммытым да, тыал син биир иҥнибэт, быыһылаан киирэр. С. Никифоров
Маннык кырааскалар солох дьайыытыгар бэриммэттэр, салгын уонна сиик быыһылаан киирэр-тахсар курдук көпсөркөй буола хаталлар. ХОДь
Уу муостаҕа халыйан баран, аанынан саалаҕа быыһылаан киирдэ. Н. Островскай (тылб.)
2. Быыска-арыкка хааллар, ардайдаан кэбис, ардайга хааллар. ☉ Оставлять нетронутым, не задевать, оставлять в промежутке
Табаарыс, эн, дьоллоох киһи эбиккин. Буулдьа эйигин аһыммыт: көҥдөйдөөбүт эрэ. Ис уоргаҥҥын быыһылаан, таарыйбакка ааспыт. С. Никифоров
Биллэрин курдук, бурдугу ыһарга агрегат быыһылаан хаалларар, ситэ ыһыллыбакка хааларын таһаарбат инниттэн, хат сабан ыһаллар. ЭБТ
3. Тарҕан, иһилин (тарҕанара сөбө суох сурах-садьык, кэпсээн о. д. а. тустарынан). ☉ Распространяться, стать известным, проникать (о слухах, разговорах и т. п.)
Кыһыллар пропагандаларын ханан да быыһылаан киирбэт гыныахпыт. А. Федоров. Сүөргү сурах бэл райком сэкирэтээрин кабинетыгар быыһылаан киирбитэ. Р. Баҕатаайыскай