сыһ. Саҥалыы, аныгылыы буолбатах, уруккулуу. ☉ Не по-современному, по-старому
Чэ, аак оҥорорбутугар тиийэбит. Маннык эргэлии туттууну кытта биһиги охсуһуох тустаахпыт. Суорун Омоллоон
Күннээҕи үлэнэн хонуктарын эрэ булунар эргэлии дьулҕаннаахтар диэн сэбиэт бэрэссэдээтэлин саҥата сүр. М. Доҕордуурап
Эргэлии салаллан, дьаһанан олоруу түмүгэр биһиги өрөспүүбүлүкэбитигэр уларыта тутуу биллэр-көстөр хамсааһыны оҥоро илик. «Кыым»

аат. Бүрээттэр, эбэҥкилэр төгүрүччү сылдьан ыллыы-ыллыы толорор үҥкүүлэригэр маарыннатан, сорох сахалар оһуокайы ити курдук ааттыылар. ☉ Некоторые якуты так называют свой национальный танец осуокай, уподобляя его бурятскому, эвенкийскому хороводному танцу ехор
Биһиги аллаах газикпыт Дьуохар тэбэр дьулҕаннаах, Оттон тыйыс суоппарбыт Лаама курдук тулуурдаах. С. Данилов. Дьуохар бүппүтүгэр дьон аймана түстүлэр: «Ити баар, сахалыы оонньуубут сүттэ диэбиккит, һуу, айа-айа!» Э. Соколов
Дьулустаан дьуохарга сааһыттан иилиҥкэй буолара. «ХС»

аат.
1. Кыһаллан-мүһэллэн сүпсүгүрүү, түбүк. ☉ Суета (по какому-л. поводу); забота о ком-чем-л.
Бастаан Чоочону Тутар дьулҕаныгар, Мөлтөтөр мөккүөрүгэр Ситиһэр тирэҕэр сылдьыбытым. А. Софронов
Оҕонньор туох-ханнык иннинэ сиэнин аһатар дьулҕаныгар түспүтэ. И. Федосеев
Биһиги тохтуу да соруммакка, …… ааһа барар дьулҕаныгар түстүбүт. «ХС»
2. Быыска-арыкка баар буолбут иллэҥ түгэн (тугу эмэ оҥорорго наадалаах бириэмэ). ☉ Свободное, подходящее для каких-л. занятий время, передышка
Кинилэргэ [кымырдаҕастарга] атын дьулҕан суох буолла - туох да бокуойа суох, сымыыттарын ытыра-ытыра, уйаларын иһин диэки сосуһан бардылар. Суорун Омоллоон
Били дьон кинини кытта сэлэһэр дьулҕаннара суоҕа, аты сэтиилэнэ охсон бараннар, төттөрү тэбилиннэрэ турбуттара. И. Федосеев
3. Туохха эмэ умсугуйан туран тардыһыы, дьулуур. ☉ Настойчивое, упорное стремление к чему-л.
Айсан син биир сүөһү иитэр, от оттуур, мас мастыыр дьулҕана суох киһи буолан биэрбитэ. И. Федосеев
Оттон мин буоллахпына Ураты сонордоһуулаах, Эгэлгэ эккирэтиһиилээх …… Тэйэ сиртэн тэриллиилээх, Туспа дьулҕаннаах булчуппун. С. Зверев
Семен Петрович Данилов олоҕун уонна үлэтин сүрүн дьулҕана инникигэ, кэлэр кэскилгэ дьулуур этэ. СДТА