несов. см. заинтересоваться).

интересоваться, заинтересоваться кем-чем-л.; кини политиканы интэриэһиргиир он интересуется политикой; бу ыстатыйаны олус интэриэһиргээн аахтым я прочитал эту статью с большим интересом.

туохт. Кимиэхэ-туохха эмэ болҕомтоҕун хатаа, сэҥээр, тартар. ☉ Интересоваться, заинтересоваться кем-чем-л.
Улуу суруйааччы саха норуотун үгүс үйэлэр усталарыгар сайыннарбыт тылынан уус-уран айымньытын эмиэ бэркэ интэриэһиргиирэ. Софр. Данилов
Сережа, эйигин кыргыттар олус интэриэһиргииллэр ээ. Н. Лугинов
[Булат:] Куттаныма, сэлиэдэбэтэл эйигинэн өссө интэриэһиргии илик. И. Гоголев

туохт. Сэҥээр, сонурҕаа; болҕой. ☉ Проявить интерес к чему-л., заинтересоваться чем-л.; обращать (особое) внимание
Кини улугуран, утуктуох курдук сананна, тугу да аахайбат, кэрэхсээбэт буолан истэ. Амма Аччыгыйа
Болуоссат ортотугар сүүнэ улахан харыйаны туруорбуттарын кэрэхсии көрдө. Н. Лугинов
«Дьэ-дьэ, туох диир?» — диэн Пал Палыч чахчы кэрэхсээн киирэн барда. Н. Заболоцкай
△ Сөбүлээ, биһирээ. ☉ Любоваться, восхищаться, считать что-л. приятным, привлекательным
[Маайыс] бэрт наҕыллык [суһуоҕун] өрөн баран, икки илиитинэн хардарыта оргууй сыыйа тардыалаан кэрэхсии олорор. Амма Аччыгыйа
Дьиҥэр, киһи кэрэни кэрэхсиирин, үчүгэйтэн үөрэрин, куһаҕантан хомойорун тухары эрэ тыыннаах сылдьар эбээт. Софр. Данилов
Маннык кэрэ айылҕаны ким кэрэхсээбэт буолуоҕай! «Кыым»

туохт. Туох эмэ дьиктини көрөн, билэн сөх; муодарҕаа. ☉ Приходить в удивление, недоумение от чего-л.; заинтересоваться
Таисия Захаровна [нуучча кыыһа] маҥнай кэллэҕин утаа, сахалары дьиктиргии, сөҕө көрөр этэ. Букатын билбэт кыыстарыгар, кыыл таба тылын, эһэ сыатын, хатыыс, араҕас соболору кэһии ыытар этилэр. Л. Попов
Биһиги үһүөн даҕаны, түүн от быыһыгар уот умайарын [дьиҥинэн, сырдыыр хомурдуостары] көрбөтөх дьон, бастаан дьиктиргээтибит. И. Сосин
Күөл мууһун ортотугар күөс курдук оргуйбут ыыс туманы көрөн, Өлүөскэ бэркэ дьиктиргии санаата. Эрилик Эристиин
◊ Дьиктиргиэҕин дьиктиргиир - сөпкө дьиктиргиир, дьиктиргиэх суолга дьиктиргиир. ☉ Удивляться, изумляться, недоумевать, имея на то основание, правомерно
Кырдьык дьиктиргиэхтэрин дьиктиргииллэр. Аппырыыс бачча сааһыгар диэри тиэргэниттэн ханна да ыраата илик. И. Гоголев. Дьиктиргиэҕинэн дьиктиргээтэ - олус наһаа, сиэрэ суох дьиктиргээтэ. ☉ Весьма удивился, поразился. Туох-туох буоларый - диэн Кууһума дьиктиргиэҕинэн дьиктиргээтэ. [Торуой уолунаан тоҥустарга хонон баран, бараары турдахтарына дьиэлээхтэр бары тахсан атаарбыттарыттан, кыыстара кэри-куру буолбутуттан.] Н. Павлов