I
аат. Үлэ ханнык эмэ салаатын үлэһитэ. ☉ Работник какой-л. отрасли производства
Виктор Филиппович биһиэхэ саамай сөптөөх, элбэҕи эрэннэрэр эдэр кадр. И. Федосеев
Биһиги салайааччыларбыт кадры сөпкө туһаммыттара буоллар, маннык иккис эрэй тахсыа суох этэ. С. Ефремов
◊ Кадр (каадыр) салаата — тэрилтэҕэ үлэлиир дьону учуоттуур салаа. ☉ Отдел кадров. Маннык былааҥканы кадр салаата биэрэр
II
аат., киинэ. Киинэ эбэтэр хаартыска пүлүөҥкэтигэр биир түһэрии. ☉ Кадр (на) кино-, фотопленке)
Ол сырыттаҕына кутурҕаннаах хартыыналар киинэ кадрдарын курдук олбуһа-солбуһа көстөн кэллилэр. Софр. Данилов
[Тиэхэ Тиэхээн Малардыырабы хаартыскаҕа түһэрэн ылар:] Бэлэм! Олус бэрт кадр! И. Гоголев
Туох көстөрө, кинематограф кадрдарын курдук, түргэнник элэҥнэһэллэрэ. Ю. Чернов (тылб.)