n. staircase, stairs; ladder

аат.
1. Үөһэ тахсарга эбэтэр аллара түһэргэ аналлаах, кэрискэ үктэллэрдээх туруоруллар, көһөрүллэ сылдьар, хомуллар оҥоһук. ☉ Лестница (приставная, сборная), трап
Ампаарга өйөнөн турар кирилиэскэ ыстанна. Амма Аччыгыйа
Ампаар үрдүгэр тахсар биир соҕотох кирилиэс баар. Н. Заболоцкай
Кирилиэстэн түһэн, Лука Иванов дьиэтин диэки хаама турда. М. Доҕордуурап
2. Туохха эмэ киирэр, тахсар-түһэр кэрискэ үктэллэрдээх хамсаабат оҥоһук (хол., дьиэҕэ, этээскэ, хайаҕа о. д. а.). ☉ Крыльцо, лестница в многоэтажных зданиях, ступеньки для восхождения на какое-л. высокое место (напр., высокий берег, гору) или спуска
Кууһума таһырдьа аан кирилиэһигэр олордо. А. Софронов
Биһиги кирилиэс устун төрдүс мэндиэмэн диэки өрө хааман истибит. Амма Аччыгыйа
Мас кирилиэстэринэн түһэн, Бүлүү турук тааһын тэллэҕин дьэ буллубут. И. Гоголев
3. көсп. Туохха эмэ тахсар кэрискэ үктэл (хол., олоххо, дуоһунаска). ☉ Ступень дальнейшего роста, развития (напр., в жизни, карьере)
Билиҥҥи күннээҕи улуу соруктар …… кэлэр үйэлэргэ кирилиэс, үктэл охсоллор. П. Ойуунускай
русск. вост. крылец ‘наружный вход в доме, каменная или дощатая площадка перед домом, со ступенями’