даҕ. Ханнык эмэ өттүнэн биилээх, сытыы; муннуктардаах. ☉ Гранёный, имеющий грани; с острыми краями, углами; со стрелками (о брюках)
Түөрт кырыылаах кылбайар маҥан буруус мастар, күн уотугар кыһыл көмүһү иҥнэри аспыт курдук, толбоннуран сыталлар. М. Доҕордуурап
Саамай былыргы дьоннор кырыылаах тааһы туттар сэп оҥостоллоро. КФП БАаДИ
[Эр киһи] сып-сытыы кырыылаах өтүүктээх кэтит сиэрэй бүрүүкэлээх. «ХС»
◊ Кырыылаах ыстакаан — кырыылардаах өстүөкүлэ ыстакаан. ☉ Гранёный стакан
Манна арыгыны чаанньыктан кырыылаах ыстакааҥҥа кутан, сулбу таһыйан ылан, кылдьыгыр гына таҥхата охсоот, бара турдулар. П. Тобуруокап
Кыракый бытыылкаттан саһархай таблетка ылан, кырыылаах ыстакаан түгэҕэр ордубут ууну кытта ыйыһынна. С. Данилов
Эбирдээх сирэйдээх уол киниэхэ кырыылаах ыстакаанынан ыыбыччары арыгы кутан аҕалар. «ХС»