туохт.
1. Тугу эмэ ыга тардан хамсаабат гына баай. ☉ Крепко связать, обвязать кого-что-л.
Оройуоҥҥа буостанан ыытыахтаах кинигэтин сааһылыы, кэлгийэ сырытта. Р. Баҕатаайыскай
Петя, эн миигин бэрэбинэҕэ кытаанахтык кэлгийэн кэбис. Суорун Омоллоон. Үрүҥнэр аҕалаах уолу хатыс быанан илиилэрин кэлгийэн бараннар ат үрдүгэр олордон илдьэ бараллар. А. Федоров
2. көсп. Киһи хантан, туохтан эмэ барар, араҕар, уларыйар кыаҕын быс. ☉ Лишить кого-л. свободы действий, привязать к месту
Оҕоҕут Өлөксөйү Оскуолаҕа ыыппакка …… Килбиэннээх кэскилтэн туоратан, Кэлиргэ муннугар кэлгийдигит? С. Васильев
Ол кини олохтон салпытыттан буолбатах этэ, төттөрүтүн, олох тардыыта кинини сайылыкка, ходуһаҕа хам кэлгийбитэ. Н. Заболоцкай. Ыар ыарыы ороммор кэлгийэн Сыттаҕым. Уу-чуумпу, куруһуон… Д. Васильев
ср. монг. кэлки, хэлхэ ‘нанизывать; соединять, связывать’