Якутские буквы:

Якутский → Якутский

кэҥсэр

туохт., кэпс. Иҥсэҥ көбөн, сиэххин-аһыаххын баҕар. ☉ Испытывать большое желание есть, иметь большой аппетит
Кимнээҕим кэлээхтиэй, Киһилии кэпсэтиэй, Кэһиитин аҕалыай? Кэтэстэҕим аайы — Кэҥсэрэн иһэбин. П. Ойуунускай
Арыы ытыс хотун дьахтар бугуһуйда, Оҕо-уруу тоҥсугурда, Оҕонньор-эмээхсин кэҥсэрдэ. Болот Боотур

Еще переводы:

тоҥсугур

тоҥсугур (Якутский → Якутский)

туохт. Өр аһаабатахсиэбэтэх аскын амтаһыйан, минньигэһиргэтэн, сонурҕатан сиэххин баҕар. ☉ Испытывать острое желание поесть то, чего давно не ел
Арыы ытыс хотун дьахтар бугуһуйда, Оҕо-уруу тоҥсугурда, Оҕонньор-эмээхсин кэҥсэрдэ диибин ахан. Болот Боотур

кэҥсэй

кэҥсэй (Якутский → Якутский)

I
туохт., кэпс. Утат, утатан бэлэһиҥ хат, куур. ☉ Испытывать жажду, пересохнуть в горле от жажды
Мин, айан киһитэ, бу куйааска дэлби кэҥсэйдим, утахта иһэрдиҥ. МНН
Айан киһитэ сылайан, кэҥсэйэн биир туруору балаҕаннаах ыалга киирэн кэлбитэ, суос-соҕотох огдообо эмээхсин олорор эбит. Саха сэһ. II
Кэҥсэйбит атыылаһааччы, күүгэнин үрээт, [кыбааһы] ис да ис буолар. В. Катаев (тылб.)
II
туохт., түөлбэ. Хаахтый. ☉ Пригорать
Үүт кэҥсэйбит.  Быһаҕас күөс кэҥсэйэр. ПЭК СЯЯ
III
көр кэҥсэр
Бу эһиги, Дьулурҕа ийэ уустара кэҥсэйэҥҥит, дьулуруһаҥҥыт биһиги уһаайбабыт анныгар кэлэн солуу тураҕыт. Күндэ

кэрэдэхтээ

кэрэдэхтээ (Якутский → Якутский)

туохт.
1. эргэр. Ыалы кэрийэн аһаа, ыал устун бар, кумалааннаа. ☉ Ходить по миру, нищенствовать, попрошайничать
Ол баҕайы [Куһаҕан Ньукулай] куораты кэрэдэхтээн салгытан баран, эмиэ сонурҕатан …… кэллэҕэ. М. Доҕордуурап
△ Бырах сырыт, бырадьаагалаа. ☉ Бродяжничать, скитаться
Ити кэм устатыгар мин дууһабар салгыы, сылайыы да, саҥаттан саҥа сиргэ кэрэдэхтиир кыыбаҕа санаа да күөрэйэн көрбөтөхтөрө. А. Куприн (тылб.)
«Төрөөбүт дойдугуттан атах балай барарга кэрэдэхтиир баҕаҕыттан ураты туох төрүөттэр баалларый?» — диэн ыйытта [аҕам]. Д. Дефо (тылб.)
△ Көрдөһөн иэс-күүс салҕан, умналаа. ☉ Сводить концы с концами попрошайничеством, попрошайничать, побираться
Сээкэйи иэс-күүс салҕанан, кэрэдэхтээн сии сытаҥҥын, оҕобун уолгар кырбатаҕын. Амма Аччыгыйа
2. Күүскүнэн өттөйөн киирэн халаа, былдьаа, апчарый. ☉ Присваивать, грабить, насильственно прихватывать чужое
Киин сирбитигэр Кэрэдэхтээн киирээри Кэрээниттэн тахсыбыт Кэҥсэрбит Гитлери …… Суоллары суурайыахпыт, Сыттары мэлитиэхпит! Саха нар. ыр. III
Биирдии ынахха ымсыыран кэрэдэхтээбит удьуорум суох. М. Доҕордуурап
Кимнээх бу кэлэҥҥит, Кэрэдэхтээн киирэҥҥит, Төһө кииспин, саһылбын, Төһө кыыл табабын Уораҥҥыт бултаатыгыт, Улуу тыабын аймаатыгыт?! В. Лебедев (тылб.)