Якутские буквы:

Якутский → Якутский

матасыыкыл

аат. Мотуор күүһүнэн үлэлиир бэлисипиэттээҕэр ыарахан уйуктаах айанныыр тимир көлө көрүҥэ. ☉ Мотоцикл
Алааһы кыйа массыына, матасыыкыл тибилийэн көпсөлөөбүт суолунан бэлисипиэттээх киһи, нэксиэҕэ өрө өгдөх-өгдөх гынан, хорохочуйан иһэрэ көһүннэ. П. Аввакумов
Дьөгүөссэ …… хап-сабар матасыыкылы эргилиннэри тарта, ыҥыырыгар сүр сымсатык олоро биэрдэ да, кэлбит сирин диэки бэрилэтэ турда. В. Протодьяконов
Учаастак биригэдьиирэ матасыыкылынан тэптэрэн кэллэ. Р. Кулаковскай

Еще переводы:

мотороллер

мотороллер (Русский → Якутский)

мотороллер (матасыыкыл көрүнэ, матасыыкылтан уратыта — көлөһөтө кыра. М. үксүн икки таактаах биир силииидирдээх хамстааччылаах, түргэнэ чааска 70-95 км тиийэр.)

Категория: Транспорт
обтекатель

обтекатель (Русский → Якутский)

халтарытааччык (түргэн сырыылаах массыына (автомобиль, самолет, матасыыкыл о. д. а.) айанныырыгар салгын утары охсор күүһүн мөлтөтөргө аналлаах оноһуута.)

Категория: Транспорт
дорулаа-дарылаа

дорулаа-дарылаа (Якутский → Якутский)

тыаһы үт. туохт. Араастык хатыланан бүтэҥитикхатаннык тыаһаа. ☉ Производить частые, громкие, дребезжащие звуки, тарахтеть. Матасыыкыл дорулуур-дарылыыр тыаһа иһиллэр

мотоцикл

мотоцикл (Русский → Якутский)

матасыыкыл, мотоцикл (икки эбэтэр үс көлөһөлөөх транспорт кыра көрүнэ. Карбюратордаах, 2 эбэтэр 4 таактаах хамсатааччылаах, онто утары охсор салгынынан сойутуллар. Силииндирин улэлиир сабардама 49,8 см3 ордук киэн.)

Категория: Транспорт
мунньар-ханньар

мунньар-ханньар (Якутский → Якутский)

сыһ. Эрийэ-буруйа, көнөтө суохтук. ☉ Кривокосо, вкривь-вкось
Суол уу олохсуйа сылдьыбыт дулҕалаах кытаҕынан туораан барара. Онно кэлэн мунньар-ханньар оҕустара-оҕустара, матасыыкыл өрүтэ эгдэҥэлээн барбыта. В. Яковлев

хаптайбахтаа

хаптайбахтаа (Якутский → Якутский)

хаптай диэнтэн тиэт. көрүҥ. Киһи атаҕын суола тэпсэҥнээбит. Балай эмэ тэпсибит, от хаптайбахтаабыт уонна матасыыкыл суола бөһүөлэги эргийэ барар оройуоннуур суолунан тэптэрбит. Р. Кулаковский

орохочуй

орохочуй (Якутский → Якутский)

дьүһ. туохт. Орох суол курдук эрийэ-буруйа уһун (үрэх туһунан этэргэ); эрийэ-буруйа айаннаа (холобур, матасыыкылы этэргэ). ☉ Течь извилисто, вилять (напр., о речке); двигаться виляя, вихляя (напр., о мотоцикле)
Аллара сүүсчэкэ миэтэрэлээх сиргэ үрэх сүнньэ эрийэ-буруйа орохочуйар. Я. Семёнов
Матасыыкыл ыллык суолу батыһан орохочуйар. Хомус

аккумулятор

аккумулятор (Якутский → Якутский)

аат., тех. Эниэргийэни кэнники туһаныахха диэри мунньар оҥоһук. ☉ Аккумулятор. Аккумуляторы иит
□ Аҕалара, матасыыкылы тохтотон баран, этэр: — Эһиги күлүүһү холбоомоҥ. Уопсайынан, олох тыытымаҥ. Аккумулятор олорон хаалыа. М. Иванов. Ахсаабат эрэ айаҥҥа Аккумулятор үһү сүрэҕим! Уостан, туран хааллахпына, Умуллабын, кэхтэбин... ХТ

гараж

гараж (Якутский → Якутский)

аат. Ханнык эмэ тырааныспары (хол., массыынаны, тыраахтары, матасыыкылы) туруорар уонна өрөмүөннүүр дьиэ. ☉ Гараж
Биһиги гаражка киирдибит, соччо сырдыга суох. М. Попов
Бардасов, гараж остуораһыгар оһохтору тымныппакка түүннэри отторугар дьаһайан баран, дьиэлээтэ. В. Яковлев

көлөһө

көлөһө (Якутский → Якутский)

көр көлүөһэ
Сэмэн санаатыгар, богуоннар көлөһөлөрө рельсэлэр ыпсыыларыгар охсуллар тыастара «түргэнник-түргэнник!» диэн иһиллэр. Н. Якутскай
Матасыыкыллар көлөһөлөрө халтарыйан, ньылбы тэбинэн ылбахтыыллар. П. Аввакумов
Чууркаларынан оҥоһуллубут суолга тэлиэгэ талыгырайда, өтөрүнэн оҕунуохтамматах көлөһөлөр кыычыгырастылар. Е. Неймохов