туохт.
1. Типографияҕа нобуордаммыт тиэкиһи, негативы кумааҕыга түһэрэн ыл, массыыҥкаттан ханнык эмэ тиэкиһи охсон, түһэрэн ыл. ☉ Печатать (воспроизводить с чего-л. (с типографских оттисков, негативов и т. д.) или на чем-л. (на пишущей машинке, на компьютере и т. д.))
1965 сыллаахха Саха сиринээҕи кинигэ издательствота суруйааччы [Н.М. Заболоцкай] «Дабаан» диэн кэпсээннэрин, уочаркаларын, ахтыыларын хомуурунньугун бэчээттээн таһаарбыта. ОГГ СМ
Бүгүҥҥү хаһыакка бастыҥ ыанньыксыт туһунан уочарканы бэчээттээбиттэр. ПНЕ СТ
Маннык кинигэни, онтон да атын итириктээһини утары охсуһууга аналлаах литератураны элбэхтик бэчээттээн киэҥник тарҕатарга кыһаныах баара. «Кыым»
2. Ханнык эмэ докумуоҥҥа, сурукка күүһүн (сиилэтин) туоһулаан бэчээт уур. ☉ Поставить печать (напр., на документ)
[Кулуба:] Сибилигин бүтэрдим. Суруйа охсон бэчээттээн биэр. Маны бэйэтигэр сирэй туттараар, тугу эмэ биэрдэҕинэ, илдьэ тахсаар. Н. Неустроев
3. Тугуэмэ (хол., ыскылааты, маҕаһыыны о. д. а.) тыытыллыбакка турдун диэн хатаан баран, бэчээт уур. ☉ Опечатать какой-л. объект
Адамов кулаакка сүүрбэччэ буолан тиийэннэр, маҥхааһайын астаран, туох да ыйааһына, учуота суох, төһө наадыйалларынан бурдугу кутан ылан бараннар, ордугун бэчээттээн кэбиһэн барбыттара. Эрилик Эристиин
— Сэбиэскэй былааска баскын бэриммэт буоллаххына, лааппыларгын, ыскылааккын бэчээттээн кэбиһиэхпит! — Бэчээттиэхтээҕэр хайааҥ даҕаны... Бэйэм малбын эһиэхэ былдьатыам кэриэтэ — уоттуом!.. Н. Якутскай