Якутские буквы:

Якутский → Якутский

норкуотук

аат. Көлөпүнэттэн, маактан о. д. а. үүнээйилэртэн оҥоһуллар киһи өйүн-санаатын сүтэрэр турукка киллэрэр, ньиэрбинэй систиэмэ үлэтин мөлтөтөр, күүстээх дьайыылаах бэссэстибэ. ☉ Наркотик
Ытынан норкуотуктары, сиртэн хостонор баайдары, гаас турбата алдьаммыт сирин көрдөтөллөр. Г. Угаров
Норкуотуктары туһаныы организм эрдэ кырдьыытыгар тириэрдэр. АВГ ТТБТ

Еще переводы:

ырысыап

ырысыап (Якутский → Якутский)

аат.
1. Эмп састаабын уонна эми ыарыһах хайдах иһиэхтээҕин туһунан быраас суруга. ☉ Письменное предписание врача аптеке об отпуске лекарств с указанием способа их применения больным, медицинский рецепт
Урукку 1998 сыллаахха «Мисс Россия» кыайыылааҕа ааттаммыт …… Анна Малова Нью-Йорк куоракка норкуотуктары кистээн атыылаан уонна сымыйа ырысыаптары оҥорон тутулунна. «Кыым»
2. Тугу эмэ (үксүгэр аһы) астыырга, бэлэмнииргэ бэриллэр ыйыылар. ☉ Описание способа изготовления, приготовления чего-л., рецепт. Салаат ырысыаба. Ырысыаптар кинигэлэрэ
□ Ыраата барбакка, аспытын-үөлбүтүн ылыаҕыҥ — күөрчэхпит ырысыабын «дьоппуон бүлүүдэтин» курдук аан дойду эрэстэрээннэригэр атыылыыллар. «Кыым»

төгүрүк

төгүрүк (Якутский → Якутский)

  1. аат. Ханан да муннуга суох, күн курдук быһыылаах туох эмэ. ☉ Круг, что-л. в форме круга
    Болуоссат ортотунааҕы төгүрүккэ олордуллубут сибэккилэр кытаран-наҕаран тахсыбыттар. Л. Попов
    Тиэстэни чараас гына хаптатан, үрүүмкэ айаҕынан төгүрүччү баттатан ылыллар уонна ол төгүрүктэр үрдүлэригэр бэлэм фарштан ылан ууруллар. Дьиэ к. Тураҥыттан күөмэйим кычыгыланара, ойоҕосторум хардасталлара, хараҕым хараҥаран уот төгүрүктэр көстүтэлииллэрэ. Ч. Айтматов (тылб.)
  2. даҕ. суолт.
  3. Биир да муннуга суох, күн курдук быһыылаах. ☉ Имеющий форму круга, круглый
    Төгүрүк остуол анныгар отут сымыыт сытар (тааб.: ый хонуга). Түптэ буруота унаарыйан төгүрүк алааска сыҥаһалыы устан киирдэ. Л. Попов
    Киим эмиэ аҕатын курдук, кэтит дараҕар сарыннаах, төгүрүк, эттээх сирэйдээх. С. Никифоров
  4. көсп. Барамматах, толору, бүтүн (кэм-кэрдии туһунан). ☉ Весь, целый, круглый (о мере времени — о годе)
    [Оҕонньор] төгүрүк дьыллаах хамнаһыгар сүүрбэ биэс солкуобайы ыларыттан ураты атын дохуота суох этэ. Эрилик Эристиин
    Сүүрбэ төгүрүк сыл устата …… өтөхпүн, аймах дьоммун ахтан, хараҕым уута тохтубута. А. Сыромятникова
    Борохуоппут …… айаннаан сыксылыппыта төгүрүк сууккатыгар чугаһаата. Хомус
    ♦ Төгүрүк тулаайах — ийэтэ-аҕата суох хаалбыт оҕо. ☉ Круглый сирота
    Ырыа Ылдьаана тоҕуһуттан ыла төгүрүк тулаайах хаалбыт, ыал устун сылдьыбыт, баайдарга хамначчыттаабыт. Л. Попов
    Төгүрүк эрэ буолбакка — эргиччи тулаайах хаалар, биһиги Николайбыт. С. Руфов
    Хачыгыр даҕаны, Сөдүөт даҕаны төгүрүк тулаайах хаалан баран, суорума соруктаммыттара. СЛСПҮО
    ◊ Алаадьы төгүрүк көр алаадьы
    Тыалар алаадьы төгүрүк алаастары, толооннору киэҥ-куоҥ уораҕайдарыгар кистээн, утум-ситим салҕанан бардарбара тураллар. П. Аввакумов. Төгүрүк остуол — тугу эмэ дьүүллэһэр сыаллаах көрсүһүү, сүбэ мунньах. ☉ Круглый стол (мероприятие, переговоры)
    Дьахтар быраабын көмүскээһиҥҥэ сыһыаннаах лиэксийэлэр, арыгы уонна норкуотук дьайыытын кытта охсуһар үлэҕэ төгүрүк остуоллар ыытыллыахтара. «Кыым»
    др.-тюрк. тегрэк, кум. дегерек, тат. түгэрэк, алт. тегерик, тув. төгерик, бур. түхэреен