дьүһ. туохт. Уоскун имигэс-имигэстик хамсатан көһүн (киһи көрө-көрө астыныан курдук). ☉ Выделяться соблазнительно двигающимися маленькими пухлыми губками
Айталыын Куо Кырынаас курдук дьэрэлийдэ. Уоттаах саһыл курдук Уостаах тииһэ Умайан обуйуктанна. П. Ойуунускай
Александр Петрович хоһоонун, сирэйэхараҕа сылаанньыйа сырдаан, уоһа-тииһэ обуйуктана оонньоон туран, олус уйаҕастык, ылыннарыылаахтык аахпытын бары да таала истэн олордубут. С. Федотов

обуйук (обуйукаан) уос нор. айымнь., поэт. — кыра, болтойбут, үмүрүйэн көстөр уос. ☉ Маленькие пухлые соблазнительные губки
Дьахтар дьикти үчүгэй бэйэтэ, саҥа тахсан эрэр күн сардаҥатыттан хараҕа саатан быһыта симэ-симэ, обуйук уостарын хамсатан уолга тоҥхолдьуйа турда. Саха фольк. Уураһыах обуйук уостара Уулларыах уоттуу умайар. П. Тобуруокап
Кини бүгүн өссө тупсубут курдук, иэдэһин имэ кэйбит, обуйук уостара чорбоҥноһоллор. Н. Габышев