I
аат. Дьон олорор миэстэлэрдээх көрөр саала аллараа мэндиэмэнэ. ☉ Партер (в зрительном зале)
Дойду тэбэр сүрэҕэр, Москваҕа, Улахан тыйаатыр паартырын уонна биэс дьаарыстарын тобус-толору Россия чулуу уолаттара уонна кыргыттара мустубуттар. А. Сыромятникова
Норуот паартырга Ленин олорорун көрө түһээтин кытта, тулалаан турар барыта хамсыы, сэргии түстэ. «ХС»
II
аат., спорт. Тустуук сүһүөҕүн үрдүгэр буолбакка, көбүөргэ сөһүргэстээн турар, сытар балаһыанньата. ☉ Положение спортсмена-борца, сбитого со стойки (обычно стоящего на ковре на четвереньках или лежащего), партер. Паартырга түс. Паартырга түһэр
□ Киһим паартырга умса көтөр, сүнньүбүттэн баттаан атахпын олуйа сатыыр. Е. Неймохов
Мехти-заде сэбиэскэй бөҕөһү паартырга түһэрэн биир очукуону ылла. «ХС»
Байбалабыс …… үөрэппит өттүктээһинэ, миэлиҥсэтэ, тэбиитэ, паартырга түһэрдэххэ турецкайдыы кыптыыйдааһына, күлүүстээһинэ араас дойдулартан кэлбит бөҕөстөрү төрдүөннэрин тиэрэ уурарга көмөлөспүттэрэ. «ХС»