аат.
1. Туох эмэ тутуу эбэтэр тугу эмэ уларытыы, тупсарыы эрдэттэн сиһилии оҥоһуллубут былаана. ☉ Проект (сооружения, постройки)
Манна прорабы ыҥырбыт буоллар сатаныа эбит. Урукку прораб ыскылаат биир кынатын бырайыактан туораан, сыыһа оҥорторбут. С. Никифоров
ТПК столицата — Нерюнгри. Саҥа куорат хайдах буолуохтааҕа бу Виктор Еремеевич уонна бырайыагы оҥорбут «Ленгипрогор», «Якутгражданпроект» институттарын аҕыйах архытыактардарын чертежтарыгар, төбөлөрүгэр эрэ баар. БИ СТ
Биир кэмҥэ Дьөҥкүүдэ эбэтигэр Марха өрүстэн ууну хачайдыыр бырайыак барыллана сылдьыбыта. «ХС»
2. Ханнык эмэ докумуон бастакы барыллааһын тиэкиһэ. ☉ Проект (предварительный текст какого-л. документа)
Былаан бырайыага бары кэлэктииптэргэ, уопсастыбаннай тэрилтэлэргэ киэҥ дьүүлгэ турбута, олохтоох Сэбиэт сиэссийэтинэн бигэргэтиллибитэ. ПДИ КК
В.И. Ленин сэбиэскэй судаарыстыбаны тэрийиини быһаччы салайбыта, сүҥкэн суолталаах дэкириэттэр бырайыактарын оҥорбута. СГПТ