аат., суут-сок.
1. Үрдүкү былаастаах, сололоох киһи эбэтэр тэрилтэ тугу эмэ гынарга көҥүл биэриитэ, сокуоннайынан ааҕан бигэргэтиитэ. ☉ Санкция (разрешение, выданное высшей инстанцией). Борокуруор сааҥсыйата
□ «Маркосян, бу эн дьиэҕэр дьэҥдьиир оҥорор туһунан сааҥсыйа», — дьиэҕэ киирэллэрин кытта, Захар Захарович лиис кумааҕыны тэнитэн хаһаайыҥҥа көрдөрдө. Е. Неймохов
[Анна Ивановна:] Биһиэхэ профкомтан сааҥсыйата суох биир эдэр үлэһити үлэтиттэн уһуллулар. И. Семёнов
2. Дуогабары, сөбүлэһиини кэспит өрүтү утары араас көрүҥнээх хааччахтыыр, буруйдуур дьаһаллар. ☉ Санкция (мера воздействия). Эмиэрикэ уонна Аангылыйа бырабыыталыстыбалара Ирааны утары экэнэмиичэскэй сааҥсыйаны туттарга модьуйсаллар
□ Вашингтон Никарагуаны утары атын аахсыйалары ыытар — дипломатическай тууйуу дьаһалларыттан экэнэмиичэскэй сааҥсыйаларга тиийэ. ПА
Хаачыстыбата суох тутуллубут үлэҕэ сааҥсыйалары туттуу [Табаҕа кэмбинээтигэр] ааспыт сылга үс аҥаар мөлүйүөн солкуобайга тиийдэ. «Кыым»