туохт.
1. Олус кырдьан оҕоҕор түһэн хаал, тугу да гынаргын быһааран өйдөөбөт буол. ☉ Выжить из ума, впадать в старческое слабоумие, в детство
Түлэһийэ түөһэйбит, Кыйыһыйа кырдьыбыт. Күннүк Уурастыырап. «Кырдьыбыппын, түөһэйбиппин, бүппүппүн...» — Огдоо үөһэ тыынна. С. Дадаскинов
Суолдьут [ыт аата] түөһэйбит, балаакка эрэ иччитэ буолаахтаабыт. Я. Семёнов
2. кэпс. Тугу эмэ улаханнык алҕаһаа, сыыһа оҥор. ☉ Совершить большую ошибку по недомыслию, сглупить
[Күлүк:] Кэбиһиҥ, түөһэйимэҥ, туох буоллаххытый? А. Софронов
Сеня, эн түөһэйдиҥ дуо? Н. Лугинов
ср. эвенк. тоха-мии ‘сойти с ума’

туохт.
1. Өйгүнэн мөлтөөн, акаары буолан хаал, акаары буолан ис. ☉ Становиться глупым; глупеть
Хайҕаммыт киһи акаарытыйар, мөҕүллүбүт киһи өйдөнөр. Н. Габышев
Кэнникинэн туостар утуу-субуу этиллэн, элбээн барбыттара. Гриша көрөн олордоҕуна дьоннор бары уларыйдар уларыйан, аар-маар буола акаарытыйан иһэллэриттэн сөрү диэн сөхпүтэ. Э. Соколов
2. Баар балаһыанньаны ситэ өйдөөбөккө, сөбө суохтук, акаарытык быһыылан, сыыһа быһаарыныыны ыл. ☉ Неправильно оценив ситуацию, имеющиеся факты, принимать неверное решение; сглупить, наглупить. Акаарытыйан биэр
□ Адьарай да ааттаахтара Адьас да акаарытыйар эбиттэр! П. Ойуунускай
Эй, хотуой, сэрэн, акаарытыйыма, көстө кэлбит дьолгун куоттарыма. И. Чаҕылҕан
Акаарытыйыма, түргэнник суруйа оҕус, ийэҕин эрэйдээмэ, өйүттэн таһаарыма, бырастыы гынарыгар көрдөс уонна барытын кэпсээ. «ЭК»