I
аат. Түөрт муннуктуу быһыылаах ону-маны угарга аналлаах холбуйа. ☉ Четырехугольный короб для хранения чего-л., ящик
Оҕобутугар биэриэҕи дьааһыктан били харчыны ылан аҕал эрэ. А. Софронов
«Бу саахар», - Губин кыра фанера дьааһыгы тарбаҕынан тоҥсуйбахтаан кэбистэ. Амма Аччыгыйа
Дьааһык муҥунан арыыны, алаадьыны симнэ. Суорун Омоллоон
Кумааҕыны остуол дьааһыгыттан ылаар. Н. Габышев
◊ Буоста дьааһыга - хаһыаты, сурунаалы, суругу о. д. а. угарга, түһэрэргэ аналлаах ыйанар дьоҕус дьааһык. ☉ Небольшой навесной ящик для писем и т. д., почтовый ящик
Суругун сүүрэн тахсан, чугаһынааҕы буоста дьааһыгар түһэрэн кэбистэ. Тириппитин, сылайбытын билинэр санаа киниэхэ дьиэтигэр кэлбитин эрэ кэннэ биирдэ охсуллан ааспыта, ону даҕаны ыраахтан иһэн, кураанах кубарыйан турар буоста дьааһыгын көрөөтүн кытары. В. Яковлев
Ленька биһикки, сурукпутун килиэйдээн баран, буоста дьааһыгар сырыстыбыт. ПН ДЫ. Умайбат дьааһык - харчыны, сыаналаах докумуоннары харайарга аналлаах уот сиэбэт дьааһыга, сиэйпэ. ☉ Несгораемый шкаф, ящик для хранения чего-л. ценного, сейф
Хаһыаты хастыы тардан ылан, умайбат дьааһыкка угаат, хачыгыраччы хатаан кэбистэ. М. Доҕордуурап
II
дьааһык киэһэ (түүн) - киһи өлбүтүн кэнниттэн үүнэр суукка хараҥа кэмнэрэ (киэһэ, түүн - былыргы итэҕэлинэн, бу кэмнэргэ өлбүт киһи үөрэ сылдьар диэн улаханнык айдаарбаттар, кэлбэттэр-барбаттар). ☉ Вечер и ночь, наступающие после смерти человека (по якутскому поверью, в это темное время суток появляются злые духи, поэтому стараются не выходить на улицу, не шуметь)
Дьааһык түүн айанныыр куһаҕан диэннэр, бары хоно хаалбыттар. Болот Боотур
Дьааһык киэһэлэргэ таһырдьа тахсарым сатаммат этэ. И. Гоголев
Абааһы туһунан кэпсэтэр, Ахтыһар куттуур этилэр, Арыт өлбүт үөрүн кэритэр Дьааһык киэһэлэр кэлэллэр. Дьуон Дьаҥылы
ср. тюрк. йазык, йазух, жазык 'грех, вина' (от йаз 'ошибаться')