I
аат., байыан. Уу эбэтэр сир анныттан дэлби тэбэр аналлаах сэрии сэбэ сэнэрээт. ☉ Мина
Умса сылдьааччы Уолумардык эстээччи Уу миинэлэрэ Улуу ааллары умсардылар …… Сэрэппэккэ эстэр, Сир анныгар Сирэлийэ сытар Сир миинэлэрэ Сэрии бөҕөнү Сиҥнэртээтилэр. Өксөкүлээх Өлөксөй
Талахтар төрдүлэригэр кистэммит миинэлэр эстэн күрэҥниҥи хара буору бурҕаттылар. Т. Сметанин
II
сыһ. Тугу эмэ (хол., өрүһү, суолу) икки өттүнэн түһэ (сыт, олор). ☉ Поперёк чего-л. (реки, дороги)
Оҕонньор …… аҕылаабытын аһараары суолу миинэ сиргэ лаҕыччы олорунан кэб и с т э. В. Яковлев
Баайаҕа үрэҕи туора миинэ олорор Томтор бөһүөлэгэ Алексеевскай оройуоннааҕы Баайаҕа нэһилиэгин киинэ. ПДН ТБКЭ
Алдан өрүһү миинэ сытар дэриэбинэлэр …… Муус ыраас таннаҕына Дьокуускайы кытта уунан бөҕө сибээһи олохтуохтарын сөп. «Кыым»

аат., эргэр.
1. Уһун быаны, ситиини хатар тэрил. ☉ Веретено
Фабрикаҕа бары таҥас өрөр иэрэгэйдэр үлэлииллэрэ. Ю. Чернов (тылб.)
2. Тимири үүттүүр сэп. ☉ Разновидность якутской дрели (стержень дрели со вставным сверлом приводится в движение закручиванием и раскручиванием веревочки, продетой через отверстие в верхнем конце стержня и прикрепленной двумя концами к горизонтальной палочке). Былыр көмүстэн киэргэли оҥорооччулар иэрэгэйинэн туһаналлара
3. Остуолга ытыйан холоруктатар оонньуур. ☉ Игрушка в виде кружка на вращающейся в вертикальном положении оси, волчок
Кини санаата иэрэгэй курдук ытыллар. В. Протодьяконов
Оргул кэтэҕэр хаар күдэригин ортотугар сүүнэ улахан киһи иэрэгэй курдук холоруктуу ытылла турара. Н. Абыйчанин
[Куралай кустук] иэрэгэй курдук ытыллан, иннигэр-кэннигэр хаан өстөөхтөрүн эмэх күрүөлүү сиҥнэртээн, тэлэкэлээн истэ. Д. Апросимов
Ыт үрдэ. Киис ииримтийэ кыыһыра түстэ, куотар сир көрдөөн иэрэгэй курдук дьүүлэ-дьаабыта көстүбэккэ ытыллар. «ХС»
4. көсп. Быһаарыыта суох иэрэҥнээһин, саараҥнааһын. ☉ Необоснованное сомнение; нерешительность, колебание; боязнь продешевить.
5. түөлбэ. Мээчиктии эриллибит сап. ☉ Клубок (ниток).