туохт.
1. Ыраах эбэтэр тэйиччи баары кытта билсис, сылдьыс, кэпсэт. ☉ Сообщаться, сноситься с кем-л., находящимся далеко или в отдалении, связываться. Улуус киинин кытта сибээстэс
□ Нина полярнай ыстаансыйалары, чугастааҕы аэродромнары барыларын кытта кэпсэппит, сибээстэспит. Н. Якутскай
Мишалыын …… суругунан эрэ сибээстэһэрбит. П. Чуукаар
Буускабыт оҥкучаҕа, сэнэрээт иинэ, сибээстэһэр орохторбут барылара устаап этиитинэн оҥоруулаахтар. Н. Кондаков
Холкуос бөдөҥ нэһилиэнньэлээх пууннары эбэтэр промышленнай кииннэри кытта үчүгэй суолунан уонна чэпчэки тырааныспарынан сибээстэһэр буоллаҕына, кини үүтү, оҕуруот аһын, …… оҥорон таһаарыыны туох да куттала суох улаатыннарыан сөп. ЭБТ
2. кэпс. Кими-тугу эмэ кытта бииргэ ситимнэс, биир ситиминэн үлэлээ. ☉ Устанавливать тесную связь с кемчем-л. по работе, в какой-л. деятельности, связываться
Учууталлыы да сылдьан Мицкевич кистэлэҥ уопсастыбалары кытта сибээстэһэрин уураппатаҕа. Софр. Данилов
Кэргэннии олох бу букатын туспа «сабыылаах» олох буолбатах. Кини уопсастыбаны, кэлэктииби кытта сибээстэстэҕинэ табыллар. «ХС»
Оттон Манчаары диэки санаалаахтар, баай баттыгаһын өйдөөччүлэр, кинини кытары кэпсэтэр, сибээстэһэр, сүбэлэһэр буолбуттар. МНН