сыһ. Түргэн-түргэнник, тэтимнээхтик хамсанан. ☉ Быстро и часто подрагивая (ногой), мелкой дрожью
Сипсики тобуга кычыгыланна, атаҕын сото кэбиһэн ибигирэччи хамсатыан баҕарда. Л. Попов
[Торбостор] Иҥээннэрэ тыһырҕаан, Ибигирэччи үктэнэн, сыккыраччы тыынан, Сылдьырыһан иһэллэр. Болот Боотур

аат. Хаа, сүрүн устун тохтообокко устан үксүгэр өрүскэ түһэр уу сүүрээнэ. ☉ Малая река, впадающая в реку, речка
Күһүн аайы куобахха туһахтыыбын, үрэххэ туулуубун, кыһын куйуурдуубун. Күндэ
Оччотооҕу бириэмэҕэ билиҥҥи Амма улууһун сиригэр, Амма үрэххэ Арыылаах хочотугар сэттэ ини-бии дьон олоортор. Эрилик Эристиин
Тугун баҕас уһунай Нуоралдьыма үрэҕэ, Хаһан-хаһан тиийиэмий Хампа алаас ыалыгар? С. Данилов
◊ От үрэх көр от
Чээл күөх ньуурдаах от үрэх тоҕойугар мастар быыстарыттан күөх буруо өрө тыргыйан көһүннэ. Далан
Мыраан аннынан сыккыраччы сүүрдэр от үрэх талаҕар чыычаахтар ыллаан чырылаталлар. Н. Якутскай
Үрэх баһа <сир, дойду> көр бас II. Холобур, күһүн, үрэх баһыгар хаар түстэр эрэ, хаас киирбитинэн барар. Далан
Миигин хоту үрэх баһыттан кэлэрбин кытта Дьокуускайдааҕы сынньанар дьиэҕэ ыыппыттара. А. Бэрияк
«Ээ, ол үрэх баһа сир», — диэн киһи-сүөһү олохсуйбат, түҥкэтэх ыраах сири ааттыыллар. Багдарыын Сүлбэ
ср. др.-тюрк. арых, өзэк, алт. өрек, казах. өре ‘речка, небольшая горная река’