дьүһ. туохт.
1. Илин уһуккунан өрө ньыҕаллыбыт эбэтэр өрө хантайбыт курдук быһыылан (мурун эбэтэр туох эмэ илин уһугун туһунан). ☉ Быть вздёрнутым (о носе)
Уол тоҕо эрэ кэри-куру буолбут. Сынтайбыт муннун туппахтана-туппахтана, өрүтэ тыынар, сыҥсыйан ылар. П. Аввакумов
Сорохтор [сибиинньэлэр] сирэйдэрин киэбэ уларыйан туора өҕүллэр, сорохтор муннуларын уҥуоҕа үөһэ сынтайан тахсар. МВИ ССАР
Сөрүө тэллэх муннуктара үөһэ сынтайан тахсан, киирэр аан аллараа өттүн таарыйар үгэстээхтэр. ДьХ
2. көсп., кэпс. Туохтан эрэ саллан, дьулайан чаҕый. ☉ Сникнуть, потерпеть неудачу, отступить, пойти на попятную
Кинилэр бэйэлээхтэр ылыммыттарын ыпсарбакка, санаабыттарын сатаабакка сынтайбатах бэйэлээхтэр. Сэһэн Дьэрэмэй
Хантака кинээс иирсэн, бэрдимсигэ бэрт буолан, туруулаһан көрөн баран, киһи эрэ буоллар, дьэ кытаанахтык сынтайан турар. А. Сыромятникова
Ыарахантан чугуйар, сынтайар оҕо хаһан да үөрэҕи ылбат. АВК ДьСҮ
ср. сынталын
орд. шинтээ, калм. шантэ, халх. шанте