сыһ., кэпс. Дьоҥҥо эппэккэ, биллэрбэккэ, биллибэтинэн сылдьан. ☉ Невзначай, ненароком, ненамеренно
Никита күн аайы котуокка сылдьара. Сүтүктээх киһилии сэмээр көрдүүрэ, көрсүөм диэн эрэнэр да, кыыс суоҕа. Н. Лугинов
Эмээхситтэр онон-манан сылтана-сылтаналар саҥа дьиэ таһыгар сэмээр кэлэр буолбуттара. Дьүөгэ Ааныстыырап
Тууйаһы толору кыһыл көмүс импэрийээл харчыны симэн, куруҥҥа кистиирэ үһү, ону дьоннор сэмээр көрдүү сатыыллара да булбаттара үһү. Күндэ

сыһ. Аргыый аҕай, тиэтэйбэккэ; дьоҥҥо биллэ сатаабакка. ☉ Потихоньку, постепенно, не торопясь; незаметно для других
Кэлин, эмээр-сэмээр Симон Павлович уонна Испирдиэн билсэн, эмиэ хардарыта сылдьыһар буолбуттара. Д. Таас
Ити курдук диэн, Эмээр-сэмээр кистээн, Үгүс киһи кэпсэтэрин Өйдүү түстэ Унаар. С. Васильев

сыһ. Биллибэтинэнкөстүбэтинэн, киһи хараҕар быраҕыллыбат курдук (тугу эмэ гын). ☉ Незаметно, неприметно (делать что-л.)
Уолаттар, охсуһуу буоллаҕына онно кыттыыны ылымаары, дьиэ иһиттэн ээр-сэмээр таһырдьа тахсан бараллар. Н. Якутскай
Оскуола туһунан кэпсэтии эрэ буоллар, Муся төһө да оонньуу сырыттар, дьоннор тугу кэпсэтэллэрин ээр-сэмээр иһиллиир. В. Тарабукин
Итинтэн сиэттэрэн Василий Ивановичтаах кыыстарыгар ээр-сэмээр үлэ көрдөһөн барбыттара. ЛНН АДь