Якутские буквы:

Якутский → Русский

тардылыктаах

связанный с задержками, препятствиями; суол киһитэ тутулуктаах, айан киһитэ тардылыктаах погов. у путника бывают задержки, у путешественника— остановки.

Якутский → Якутский

тардылыктаах

даҕ.
1. Холбуур, сибээстиир ситимнээх. ☉ Связующий, соединяющий
«[Олоҥхо] сахалар соҕурууҥҥу дойдуларыгар, атын түүрмонгуол омуктары кытта ыаллыы олордохторун саҕанааҕыттан тардылыктааҕа дьэҥкэ», — диир ааптар. Эрчимэн
Ырыа — эмиэ да көрдөөх, эмиэ да эҕэлээх. Эмиэ да былыргылыы тардылыктаах, эмиэ да билиҥҥи олоҕу хоһуйар кэрэ матыыптаах. М. Тимофеев
Чугас аймаҕар ойуурга муммут, ууга түспүт дьон баар буоллахтарына, сэрэнэн сылдьыахха. Тардылыктаах буолуон сөп, билбэт сиригэр ойуурга соҕотоҕун сылдьара сатаммат. ПНИ АДХ
2. Умсугутуулаах, көҕүтүүлээх. ☉ Увлекательный, захватывающий
Күн сырдыга баҕалаах, олох олоруу тардылыктаах буолбат дуо? И. Федосеев
Дьиэ усулуобуйатыгар кыылы иитии — бэйэтэ туһугар туспа умсугутар ураты тардылыктаах. ДьСИ. Иистэнии туһугар эмиэ үчүгэй тардылыктаах буолар. «ХС»

Еще переводы:

таймыктаах

таймыктаах (Якутский → Якутский)

даҕ. Түбүктээх, тардылыктаах (үлэ, айан, эҥин). ☉ Трудный, хлопотный
Хотугу буурҕаны Хотторбун дии санаан, Таймыктаах айаны Таптаатым мин бастаан. И. Федосеев
Чаараҕа табыллыбатах таймыктаах айаным бары ороскуотун толуйуҥ диэн көрдөһүөхпүн тылым да тахсыбат. «ХС»
Сарсыардааҥҥы чэй бэлэмэ силиктээх, таймыктаах этэ: Степан сылабаары, иһити-хомуоһу Вера Павловна хоһун аттынааҕы уопсай хос остуолугар киллэрэн уурталыыра. Н. Чернышевскай (тылб.)

тардылык

тардылык (Якутский → Якутский)

аат.
1. Туохтан эмэ мэһэйдэтэн тохтооһун, тутуллуу, бытаарыы. ☉ Промедление, задержка, заминка
Суол киһитэ тутулуктаах, айан киһитэ тардылыктаах (өс хоһ.). Тардылык бэл Москва, Новосибирскай, Иркутскай онтон да атын куораттартан көтөөрү гыннахха баар буолааччы. «Кыым»
Бүөтүр аҥаардас кэриэтэ буолан, дьиэтигэр тардылыга эмиэ баар. ВМП УСС
2. нор. айымнь. Сибээстиир, холбуур ситим. ☉ Связующая нить, связь
Сиртэн ситимэ суох, Халлаантан тардылыга суох, Эргичийэр иэччэҕэ биллибэт, Холоруктуур көлүөһэтэ көстүбэт …… Аан ийэ дойду Бу курдук Айыллыбыт эбит. Саха фольк. Киэҥ халлаан Сиртэн Ситим саҕа Ситимин булбатым, Үөһэттэн сап саҕа Тардылыгын көрбөтүм. Эрчимэн

тайалҕан

тайалҕан (Якутский → Якутский)

даҕ.
1. Уйаара-кэйээрэ биллибэт киэҥ иэннээх (хол., тайҕаны этэргэ). ☉ Бесконечно обширный, раскинувшийся вширь (напр., о якутской тайге)
Дьэргэйэр уот кустук ыллыктар Эн биһи ырабыт курдуктар Тайалҕан тайҕаны тыыраннар Ыраата тыргылла сырсаллар. М. Ефимов
Кыраман туундараҕа Кырыластылар кыталыктар, Тайалҕан киэҥ тайҕаҕа Тамайдылар тайахтар. С. Дадаскинов
Туундара тайалҕан таһаатын сөҕөммүн хоһооммор холбуубун. Агидель к.
△ Кыраман ыраах. ☉ Дальний, очень далёкий, долгий (напр., путь)
[Ийэ кус:] Кыраман айаҥҥа турарга Кынаккыт бэлэм дуо? Тайалҕан аартыгы тутарга Дабыдалгыт күүстээх дуо? И. Эртюков
2. Айаҥҥа эрэйдээх, тардылыктаах, чиэски сир. ☉ Глухое, непроходимое место, путь, требующий много сил и времени для преодоления
Хаһааччыйаҕа дуу, Абыйга дуу барар тайалҕана бэрт дэстилэр. Болот Боотур
Ыала-дьоно суох, тайалҕан, ыраах үрэх баһа сир. Ф. Софронов
Чопчу сири болдьоһон эрэ баран сырыттахха, көрсүһэргэ садьыабата, тайалҕана суох буолуо этэ. С. Федотов