туохт. Улахан тутуурдаах буолан эбэтэр туохтан эмэ мэһэйдэтэн сылбырҕата суохтук, көлөттүгэстик хаамп. ☉ Идти, двигаться неловко, неуклюже под тяжестью переносимого груза, каких-л. вещей
[Абааһы уола] Дьахтар киһини кытаахтаабытынан Алдьархайдаах аллараа дайды АлайДалай аартыгын устун Таҥнары көтөн сабырыйан Таталҕаланан түһэн бара турбута үһү. Күннүк Уурастыырап
Күөх окко кистии быраҕыллыбыт аҕатын эрдиитин булан, илиитигэр тутуурдаах таталҕаланан күөлгэ киирдэ. В. Тарабукин
Олоппоһу түҥнэри көтөн, охтон таталҕаламмыппын ийэм тутан ылбыта. П. Аввакумов
Кини баттыгын мүччү тутан таталҕаланан, ороҥҥо сарк гына бырахпыт суумкатын хаба тардан ылбыта уонна көнтөрүктүк эргиллэн оһоххо тиийэн кэлбитэ. «ХС»