Якутские буквы:

Якутский → Якутский

торулат

  1. торулаа диэнтэн дьаһ. туһ. [Тоҥсоҕой] Тохсунньу тымныытыгар Тоҥ тиити торулатар. Болот Боотур
    Тоҥсоҕой көҥдөй маһы Торулатан иһэн ах барда. М. Хара
    Тоҥон турар суон тиити Торулатар тоҥсоҕой Чохолойо тоҕо ити Доргуйбата буолуоҕай? Е. Васильев
  2. көсп. Тохтоло суох, тыастаахтык айаннат. ☉ Быстро, с шумом ехать
    Таһаҕастарын хомуннулар да, кэлбит сирдэрин диэки айаннатан торулата турдулар. Н. Лугинов

Еще переводы:

чохолой

чохолой (Якутский → Якутский)

аат., түөлбэ. Кэтэх. ☉ Затылок
Тоҥон турар суон тиити Торулатар тоҥсоҕой Чохолойо тоҕо ити Доргуйбата буолуоҕай? Е. Васильев
Өскөтүн, бу киһи курдук, чохолойуҥ уҥуоҕа манна чоҥхоччу хатыан баҕарбат буоллаххына, күрүүртэн эбэтэр Хараны дьакыйартан атын суол суох. Айталын

киргил

киргил (Якутский → Якутский)

I
аат., зоол. Хара дьүһүннээх, төбөтүгэр кыһыллаах, мас үөнүн тоҥсуйан аһыыр көтөр (тоҥсоҕойдооҕор улахан). ☉ Черный дятел, желна
Өйдөөн көөртүм — кыһыл халпаахтаах хара киргил баҕайы эбит. Суорун Омоллоон
Арай ханна эрэ хара киргил тумсун торулатар. Күндэ. Эриэн тоҥсоҕой, кыһыл төбөлөөх киргил суолбутугар үгүстүк көрсөллөрө. Суол т.
ср. осм. кыркавул, казах. кырҕаул ‘фазан’
II
аат.
1. Баттах маҥан дьураата; кыырытыйыы. ☉ Проседь (в волосах)
Оҕонньор баттаҕын киргилэ көстө улаатан иһэр. АаНА СТОТ
2. Кырымах. ☉ Мех с проседью. [Кыыс] киис кыыл кэтэҕин киргилэ истээх буобура намыыскатын устан кэбиспит. Саха фольк.
ср. тюрк. киркил ‘с серой шерстью’, др.-тюрк. үрүҥ хырҕыл ‘седой’, осм. кырҕыл ‘сероватый, седеющий’
III
аат., түөлбэ., харыс т. Сүгэ. ☉ Топор. Суолга сүгэни харыстаан киргил дииллэрэ