даҕ.
1. Бөдөҥ, көһөҥөтүҥү быһыылаах. ☉ Массивный, громоздкий
Талгы хайатын аннынан, хоннох бүккэ кэлим мууһу илдьэн туорайдатан кэбиһэрин кытта, харыы буолбутунан барар. Р. Кулаковскай
Халлаантан биэс уон киилэ ыйааһыннаах кэлим көһөҥө муус тыаһаан-ууһаан түспүтэ. ДьДьДь
Тимир рудатыгар — кэлим ыар тааска — ыраас тимирэ олус элбэх дииллэр. «ХС»
△ Арахсыбат, быстыгаһа суох, биир күдьүс. ☉ Цельный, сплошной, целостный
Икки кэлим сиргэ икки суол хаппыыста үүнэн логлоруһан турар сиригэр биһиги тиийэн кэллибит. Амма Аччыгыйа
Уҥуоргу тыалар, сыыйа тарпыт курдук, биир кэлим кэрэлэһэн, күн тумарыгы саба тардыммыттар. А. Федоров. Сири-сибиири сөҕүмэр халыҥ, кэлим хаар ыга түһэн кэбиспитэ. В. Яковлев. Биир кэлим курас хонуу куйаар… С. Федотов
2. Бэйэ бэйэтин ситэрсэн биэрэр; ситэри, толору. ☉ Полностью укомплектованный; полный, исчерпывающий, цельный
Оттуур кэлим механизациялаах сибэниэ сирин-уотун кыһамньылаахтык көрүнэр. Ходуһа х. Общественнай бэрээдэги көрүүгэ кэлим былааннар ылыллаллар. ПАК ЧОС. Улахан болҕомто электростанциялары биир кэлим оҥорууга туһаайыллыахтаах. «Ленин с.»
◊ Кэлим сэбирдэх — бүүрүгэ көнө эбэтэр бэрт кыра кэрдиистэрдээх сэбирдэх (хол., хатыҥ, тэтиҥ сэбирдэҕэ). ☉ Цельный лист (напр., березы, осины)
Сибэкки ойуулаах былаата, таҥаһа-саба куруук ып-ыраас буолаллара, хаамтаҕына хатыҥ кэлим сэбирдэхтэринии суугунуурга дылылара. И. Гоголев
Кэлим, кэтит сэбирдэхтэр силигирии сипсиһэллэр. Баал Хабырыыс
Бу иһэн хойуу кэлим сэбирдэхтээх лаглаҕар хатыҥ биир лабаатын таарыйбытыгар, саҕатыгар тымныы таммахтар биллэ түстүлэр. Л. Габышев
ср. др.-тюрк. тэлим ‘много; значительно, очень’, хак. килким ‘глыба; большой’