туохт.
1. Эккэр түү үүнэн түүнэн бүрүлүн, түүлээх буол. ☉ Обрастать шерстью, покрываться оперением, оперяться
Кутуйах түүлэннэҕинэ «ычча» дииригэр дылы (өс ном.). Биир саҥардыы түүлэнэн эрэр …… хараҥаччы оҕото ибили түһэн сытар. ОГГ ТЛ-8
Түүлэммит кэҕэ оҕото үксүгэр кинини иитиэхтиир чыычаахтааҕар бөдөҥ буолар. ББЕ З
2. Түүлээх үнүгэстэн, сибэккилэн (сорох үүнээйини этэргэ). ☉ Покрываться пушистыми почками (о некоторых видах растений)
Саас буолан, чалбахтар Күөҕүнэн көрдүлэр; Ыаммыт үөл талахха Үнүгэс түүлэнэр. Чэчир-80
Талах түүлэнэн өрүстэн да, үөһэттэн даҕаны киһи хараҕар туох да дэбигис көстүбэт буолбута үчүгэй. «ХС»
3. көсп., кэпс. Үптэнэн-астанан бэйэҥ кыһалҕаҕын булунар кыахтан. ☉ Становиться обеспеченным, материально независимым, самодостаточным. «Саһыл — түүтүнэн, киһи — баайынан, — диир Дьөгүөрдээн санаарҕаабыт куолаһынан. — Оттон биһиги хаһан түүлэммиппит баарай! Сыгынньаҕын төрөөбүппүт, сыгынньаҕын өлүөхпүт...» Амма Аччыгыйа
♦ Сирэйэ түүлэммит (сирэйигэр түү үүммүт) кэпс. — саатар, кыбыстар диэни билбэт буолбут, кэрээниттэн тахсыбыт. ☉ Стать наглым, бесстыдно-нахальным, дерзким (букв. лицо его обросло шерстью). Ол киһи сирэйэ түүлэммит, ити аайы кыһаммат. Тэҥн. сирэйин тириитэ халыҥаабыт
Якутский → Якутский
түүлэн
Якутский → Русский
түүлэн=
покрываться шерстью, пухом; кутуйах түүлэннэҕинэ ыччалыырыгар дылы погов. как мышонок, отрастив шерсть. кричит "холодно" (т. е. жалуется на нужды, к-рых уже нет).
Еще переводы: