туохт.
1. Тэтэркэйэ суох буол, хаана суох кубаҕай дьүһүннэн (киһи сирэйин туһунан). ☉ Побледнеть, стать бескровным, бледным (о лице)
[Кыыс] буспута-ыгыллыбыта ааһан, имэр оонньообут тэтэркэйэ сүтэн кубарсыйан, хараҕын быһа симмиттии туттубута, кыламаннара сыыйыллан олордо. Н. Заболоцкай
Ханнык да киһи, дьиэттэн быкпакка олордоҕуна, кубарсыйан барар. А. Сыромятникова
2. Күн уота куурда сиэбитин курдук туртайан хаал, кубаҕай дьүһүннээх буол. ☉ Стать бледным, тусклым, словно выжженным солнцем
Сайыҥҥы өҥүрүк куйаас ааһан, күөх солко сэбирдэх улам хатан, кубарсыйан барда. Н. Заболоцкай
Хаҥас өттүгэр туруорбах балаҕан кубарсыйан турар. А. Сыромятникова
Саас этэ. Хара хапсыырдаах, Супту үрэр сытыы тыаллаах. Уу-хаар тахсан иһэн уостар, Хонуу кууран кубарсыйар. Баал Хабырыыс