даҕ.
1. Эрчимнээх киэҥ хардыы (хол., сырыы). ☉ Широкий, размашистый (о шаге, ходьбе)
Аар тайҕа Аарыма кырдьаҕаһа, Хара тыа хаҥыл кыыла, Харбааһыннаах сырыылааҕа, Хардаҥ эһэ-тойон эһэм. Н. Ефремов
Бүөтүкээс харбааһыннаах соҕустук хааман-сиимэн, Дьахтар Алааһын илин саҕатыгар Уйбааҥкалыын киирэн кэлбиттэрэ. А. Неустроева
Сирдэрин улахан аҥаарын ааһыыта Кыргыылаах ат кэҥээбитэ билиннэ, хардыыта харбааһыннаах буолла, ойуута түргэтээтэ. «Чолбон»
2. көсп. Киэҥ эйгэни хабар, киэҥ далааһыннаах (хол., толкуйдуур дьоҕур, өй-санаа). ☉ Отличающийся глубиной и большим охватом (об интеллекте, мышлении)
Нестор Петрович бэртээхэй этиини оҥордо. Улахан харбааһыннаах, фантазиялаах киһи. Н. Якутскай
Ким үрдүктүк көтөр, төһөнөн үөһэ турар да, оччонон көрөрө-билэрэ киэҥ, харбааһыннаах буолар. ИМС ОС
Ол эрээри бэл саха интеллигеннэригэр маннык сарадах санаа, харбааһыннаах өй кэмэ кэллэ. «ХС»
3. көсп. Ымсыы, иҥсэлээх, кээмэйэ суох харбыалас (киһи). ☉ Неуёмный в своих аппетитах, действующий с широким размахом (напр., о хищениях)
Иннин көрүнэр, таһыттан киирэри сирбэт, харбааһыннаах киһи этэ. Күннүк Уурастыырап
Бээ-бээ, бу сүбэлэһэн, толкуйдаан оҥоһуллубут, ыраах харбааһыннаах куорҕаллааһын буолаарай, доҕор? Айталын
Никита Иванович Мирон оҕонньору урут, төһө даҕаны сыылба, кыра ымсыы курдук санаан ахсарбатаҕын иннигэр, ити курдук харбааһыннаах буолуо диэн өйүгэр да суоҕа. Билигин дьэ дьулайда, лаппа кэлэйдэ. «ХС»