тыаһы үт. туохт.
1. Быыстала суох хатаннык «ча-ча-ча» диэн эрэр курдук тыаһы таһаар, оннук тыаһаа (хол., бүлүмүөт, мас умайара). ☉ Издавать непрерывный треск, трещать, стрекотать (напр., о пулемёте, горящих дровах)
Көмүлүөк оһох үөрэкөтө умайан чачыгырыыр, алтан олгуйга эт буһан ыргыйар. Е. Неймохов
Бу кэмҥэ аптамаат тыаһа чачыгырыы түспэт дуо. С. Тумат
Халлаан куйааран, аһыыка буута чачыгырыы тыаһыыр. С. Маисов
Эҥээннэрэ чачыгырыы тыаһааннар, Табалар хартаамаҕа туоллулар. С. Данилов
2. Саҥа таһааран күүрүүлээхтик, улаханнык күл (үксүгэр үрдүк куоластаах оҕо, дьахтар туһунан). ☉ Смеяться громко, пронзительно (обычно о ребёнке, женщине с высоким, звонким голосом)
Дьэбдьиэ тугу этиэн, хайдах өһүргэниэн билбэккэ тэпсэҥнии туран, күлэн чачыгырыы түһэр: «Сатана уола араас тыла диэн». Амма Аччыгыйа
Тимка өссө эбии сэтэрэн күлэн чачыгырыычачыгырыы, халыҥ суорҕан атын уһугуттан бобо тутан тардыалаата. П. Аввакумов