часы || часовой; сиэп чаһыта карманные часы; хары чаһыта ручные часы; остуол чаһыта настольные часы; чаһы завода часовой завод; чаһы стрелката часовая стрелка.

аат. Чааһы чопчу көрдөрөр аналлаах тэрил. ☉ Прибор, отсчитывающий время в пределах суток, часы
Чаһы биирдии охсуунан Чаастарбын дьакыйталыыр. С. Данилов
Коля, бэл, чаһытын собуоттуурун умнан кэбиспит. Болот Боотур
Чаһыбын көрүөхпүн — суорҕаммын арыйыахпын баҕарбаппын. Н. Габышев
◊ Истиэнэ чаһыта — эркиҥҥэ ыйанар чаһы. ☉ Настенные часы
Орто ыал сэбэ-сэбиргэлэ. Нуучча оһоҕо, остуол, кырабаат, былыргы истиэнэ чаһыта. А. Софронов
Прокопий Сергеевич истиэнэ чаһытын диэки көрөн ылбытын билбэккэ хаалла. Н. Заболоцкай
Күн чаһыта көр күн. Анаксимандр …… дьыл кэмин, күн төһөтүн ыйар күн чаһытын оҥорбута дииллэр. ДИМ. Остуол чаһыта — остуолга ууруллар чаһы. ☉ Настольные часы
Остуол чаһыта оргууй тыһыргыыр. Н. Заболоцкай
Хары чаһыта көр хары. Настя «Колымторг» бырабылыанньатыттан хары чаһытын бириэмийэ ылбыта. Н. Якутскай
Хаастыы сылдьан Иосиф Николаев хары чаһытын отууламмыт сиригэр умнан кэбиспитэ. «Кыым». Чаһы оҥорооччу — чаһыны оҥорор эбэтэр өрөмүөннүүр маастар. ☉ Часовщик
Нэһилиэгэр соҕотох хаартыскаҕа түһэрээччи, чаһы оҥорооччу кини. В. Яковлев