Якутские буквы:

Якутский → Якутский

чыпчылҕан

аат. Бириэмэ олус кылгас кэрчигэ (киһи хараҕын чыпчылыйан ылыан икки ардыгар курдук холобурдаах). ☉ Мгновение, миг. Бөрө аһары соһуйан чыпчылҕан ыккардыгар таалан ылбытыгар Кустук кини хабарҕатыгар түспүтэ. Н. Лугинов. Чэ, доҕоччуок! Арахсарбыт субу аҕыйах чыпчылҕан хаалла… Д. Апросимов
Биир чыпчылҕан түгэнэ: Левчунец утарсааччытын булгу сөрөөн түһэрэн, болевой приёмҥа киллэрэ охсор. «Кыым»
◊ Чыпчылҕан түгэнэ — көрүөх (чыпчылыйыах) түгэнэ диэн курдук (көр түгэн II)
Көр, биир чыпчылҕан түгэнэ бүтүн олоххун быһаарар эбит. Айысхаана
Мин өлүөм, Мин төннүөм Айбыт айылҕам киэҥигэр, Ийэ буорум иһигэр… Тохтуо суоҕа онтон Чыпчылҕан да түгэнэ Олох устар күрүлгэнэ. ДМЕ ИТ
Ыт, чыпчылҕан түгэнэ балыгы киһи илиититтэн ньылбы тардан ылар да, кытыл диэки ыппыт охтуу быыраттар. В. Санги (тылб.)

Еще переводы:

субулдьус

субулдьус (Якутский → Якутский)

субулдьуй диэнтэн холб. туһ. Чуура өйүгэр ити ахтыылара чыпчылҕан түгэнинэн субулдьуһаллар. Л. Попов
Эмискэ хаһыы иһиллэр: «Ээ, дьэ, аттар түстүлэр, Сундулуһа мэҥистилэр, Субулдьуһа сүүрдүлэр». А. Бродников

угуйус

угуйус (Якутский → Якутский)

угуй диэнтэн холб. туһ. Олох ханнык эрэ ордук уһугулаабыт чыпчаал чыпчылҕаныгар икки күүскэ таптаһар сүрэх угуйсан ылар түгэннээх буолааччы. Л. Попов
Сахам өбүгэ дьоно Ыраах, чугас сиртэн Ыҥырсан, угуйсан Ыһыах ыһан эрэллэр. С. Дадаскинов

чыпчылыйыы

чыпчылыйыы (Якутский → Якутский)

чыпчылый диэнтэн хай. аата. Киһи дууһата уустук даҕаны… Биир чыпчылыйыы устатыгар дохсун сүүрүк курдук уон араас өҥүнэн оонньоон ылар… И. Гоголев
Кинилэр хас да чыпчылыйыы устатыгар ити курдук саҥата суох турбуттара. Д. Таас
◊ Чыпчылыйыы түгэнэ — чыпчылҕан түгэнэ диэн курдук (көр чыпчылҕан)
Аттаргыт ханнык эрэ чыпчылыйыы түгэнэ хорус гынан ылбыттара. И. Егоров
Саатар биир чыпчылыйыы түгэнэ Ираны көрөн ылбыт киһи! «ХС»
Дьахтар чыпчылыйыы түгэнигэр бэттэх диэки эргиллэн, сыпсырдык киэҥ харахтарынан көрөн сандаарыс гыннарда. «Чолбон»

дырдырҕаа

дырдырҕаа (Якутский → Якутский)

туохт. Кыйан тардыалаа, үмүрүтэ тыыт (киһи этин-сиинин туһунан). ☉ Ныть, подергиваться; сжиматься (о теле человека)
Уол, итини саныы-саныы хайдах эрэ куйахата дырдырҕаата, сүрэҕэ ытырбахтаата. С. Никифоров
Сөмөлүөккэ бастакы олороругар этэ-сиинэ дырдырҕаан, тыаһын-ууһун дьиктиргээн ылбыта. А. Сыромятникова
Чыпчылҕан түгэнэ ааһаатын, этин сааһа аһыллан, дырдырҕаан куйахата күүрдэ. «ХС»

эҥийэ

эҥийэ (Якутский → Якутский)

аат.
1. Үрдүк сир эниэтэ, иҥнэри ньуура. ☉ Покатость, скат, склон возвышенной местности
Эмпэрэлээх күөл эҥийэтиттэн Эмискэ кустар көтөллөр. Эрчимэн
Күн сардаҥата бастаан сис хайалар эҥийэлэрин саба тибиирбитэ. Ойуку
Аарыма буурдар маарга түспэккэ хайа эҥийэтинэн дыабаһан эрдэхтэринэ, …… биир чыпчылҕан түгэнигэр биэстэ ытан субурутта. «ХС»
2. көсп. Дьыл-хонук эргэтэ, бүтүүтэ. ☉ Вторая половина, окончание, конец какого-л. периода времени
Былыргы дьыл мындаатыгар, Урукку дьыл улаҕаатыгар, Эргэ дьыл эҥийэтигэр …… Кыладыкы эбэ хотун диэн Сириэдийбитсиппит эбит. П. Ойуунускай
Олоҕун үтүөтүн олорон бараан эрэр, инники күүтэринээҕэр кэннигэр хаалларбыта баһыйар буолбут, кыһарҕаннаах кырдьар саас бэтэрээ эҥийэтигэр үктэммитин бэйэтэ да билинэр. «Кыым»
◊ Халлаан эҥийэтэ — халлаан саҕаҕа, халлаан намтаан сири кытта силбэһэр уһуга. ☉ Небосклон, край неба
Эҕэрдэлээх илин халлаан эҥийэтин диэкиттэн сиэр сылгы сиэлин кутуругун силэйэ туппут курдук, сиэл-дьаҕыл аартык силэллэ түстэ. Саха фольк. [Күн] намтаан киирэн эрэр сиринэн халлаан эҥийэтэ көмүстүү ыыс-араҕас өҥнөммүтэ. В. Протодьяконов
Илин халлаан эҥийэтиттэн быган тахсан иһэр чараас, быһыттаҕас былыты күн кыһыл көмүс саһарҕатынан дуйдаата. М. Доҕордуурап
ср. тув. эге ‘начало’