Якутский → Якутский
ыллаҥнат
- ыллаҥнаа диэнтэн дьаһ туһ. «Бүттэ, тардыалаан көр эрэ, маннык буолуохтаах», — диэн уол дуорааннаахтык саҥара-саҥара, үөрэн ыллаҥнатта. И. Попова
«Дьөгүөссэ, сылгы иитиитигэр өрө күүрэн аххан эрэҕин дуу?», — диэн оҕонньор уоһун ыллаҥната-ыллаҥната, тугу эрэ хос саныырдыы ыйытта. «ХС»
Ыалдьыттар эмис уонна итии кус этин астыммыттыы ыстаан ыллаҥнаттылар. СЮ ЫБ
- көсп. Атахтаргын ыраах-ыраах киэҥник уурталаан хаамп, ыстан ыстаҥалыыр курдук. ☉ Ходить ровным широким подпрыгивающим шагом
Үрдүк киһи инники киирэн, уулусса устун хааман ыллаҥнатта. Софр. Данилов
Аҕалара хонтуоратын диэки киэҥ-киэҥник уурталаан, хааман ыллаҥната турбута. И. Федосеев
Сокур Хабырылла туона үктээн ыллаҥнаппытынан барда. Н. Босиков
Бэһис киэһэ саха национальнай спортивнай оонньууларыгар күрэхтэһэн ыстаҥалаан ыллаҥнаттылар. «Кыым»