уст. риза.

аат.
1. Аҕабыыт сулууспатын кэмигэр кэтэр уһун таҥаһа. ☉ Верхняя одежда, облачение священника при богослужении, риза
Ньукулай аҕабыыт хара бүүрүктэрдээх ырыыһата күн уотугар кылабачыйара. М. Доҕордуурап
Сарсыарда аҕабыыт …… таһырдьа остуол тартаран, тэриэбэтин онно таһаарар, бэйэтэ ырыыһатын эҥин кэтэн эмиэ таһырдьа тахсар. «ХС»
2. Таҥара мэтириэтигэр мөссүөнүн, илиитин саппакка эрэ саба ууруллар, сиэдэрэйдик оҥоһуллубут чараас тимир киэргэл (хол., үрүҥ, кыһыл көмүстэн). ☉ Металлическая накладка на икону, оставляющая открытыми только лик и руки образа, оклад, риза
Таҥаралар ырыыһаларын, атын да көмүс сэптэри, үчүгэйдик кичэйэн биир сиргэ мунньуллуо. А. Софронов
Биир бэс сыгынньах хайаҕа, Ырыыһа курдук, сыа хаарынан киэргэнэн Аргыый суугунуу турара. И. Чаҕылҕан
Ырыыһа чөмчүүгэ уоттарга күлүмнүү, симэлийэ турара. М. Горькай (тылб.)
русск. риза