Якутские буквы:

Якутский → Якутский

ыспааҥка

аат. Аан бастаан Испанияҕа булуллубут, 1918 — 1919 сылларга элбэх дойдуга тарҕаммыт, киһиэхэ олус күүскэ киирэр кириип ыарыытын көрүҥэ. ☉ Описанная впервые в Испании особо тяжёлая форма гриппа, эпидемия которого охватила многие страны мира в 1918 — 1919 годах, испанка
Саха сиригэр саба сүүрбүт эпидемическай кириип — «ыспааҥка» …… элбэх дьон олоҕун хомуйан барбыта. Эрчимэн
Аҕата эмиэ эрдэлээн, эдэр киһи, сүүрбэ алта саастааҕар ыспааҥка дьаҥар хаптаран өлбүтэ. В. Яковлев
Биһиги икки ардыбытыгар элбэх кыыс да, уол да оҕолор төрөөннөр, сорохторо «маама» ыарыыга, сорохторо «ыспааҥкаҕа» быстарбыттар үһү. «ХС»

Еще переводы:

симиэрт

симиэрт (Якутский → Якутский)

аат., кэпс.
1. Өлөр өлүү. ☉ Смерть, гибель
Сыакаар, туох аанньа симиэрдинэн өлбүт буолаҥҥын үчүгэй сиргэ көмүллүөҕүҥ баарай. Күндэ
Сүр ыар батталга муҥнанаҥҥын, Бастыҥ симиэркэ эн өллүҥ! Эллэй
Ол курдук Мишка [эһэ оҕото] соҕотох биир күн муҥ кырата буоллаҕына икки төгүл өлөр симиэртэн куотта. «ХС»
2. Өлүүнэн-өһүүнэн суоһуур куттал; суостаах өстөөх. ☉ Опасность, грозящая смертью; грозный, опасный враг
«Охсуһумаҥ, бэриниҥ!» — диэн Уун-утары хаамта Биэс уон сиэлэр тимир симиэрт, Биэс уон тимир тааҥка. Баал Хабырыыс
Сылгыга саамай симиэрт — бу бөрө баар. «Кыым»
«Баабыр симиэрдэ» диэн хос ааты кимнээҕэр да ордук элбэх баабыры өлөрбүтүн иһин ылбыт. В. Арсеньев (тылб.)
3. үөхс. Киһи тыыныгар турааччы хара дьай, өлөрүөхсүт. ☉ Смертоносная чёрная сила, убийца, душегуб
[Кулуутап:] Сиэри турар симиэрт, күлүмнэҕин, мин саҕаны сиэбитиҥ буолуо, сиэн кэбис, муҥнаама. Амма Аччыгыйа
[Дьэбдьиэ:] Дьэ, хайыыр эбиккин, симиэрт! Дьэ, туран мас була тахсаҕын дуу, суох дуу? Суорун Омоллоон. Ийэ сир туһа диэн Идэмэрдээх симиэртэри кытта Илбистээх охсуһууга киирсэрим. Доҕордоһуу т.
♦ Быстах симиэрт — быстах былаҕай диэн курдук (көр быстах)
Ол эрээри тоҕо мэник оҕо курдук быстах симиэрт айаҕар киирэн биэриэй? П. Ойуунускай
[Киирик:] Оттон мин буоллаҕына, кырдьык, эһиги сидьиҥ илиигититтэн быстах симиэркэ былдьанаары турабын. С. Ефремов
Баарсуох эрэлбитин, икки улахан оҕобутун, быстах симиэрт, «ыспааҥка», былдьаан барда. КН ТДь