Якутские буквы:

Якутский → Якутский

эмпэрэлээх

даҕ.
1. Томтоҕор ньуурдаах, лоппойон көстөр (киһи сүүһүн этэргэ). ☉ Выпуклый из-за высоких надбровных дуг (лоб)
Хабырыыс үрдүк эмпэрэлээх сүүһүн мырчыһыннарда. Эрилик Эристиин
Өйдөөн көрдөххө, эмпэрэлээх кэтит сүүһүн кэрдиистэрэ, уоһун уонна халтаһатын тула мустубут ойуу-бичик мыччырыттаҕастара ааспыт уһун олоҕо чэпчэкитэ суоҕун туһунан санаталлар. Л. Габышев
Эмпэрэлээх сүүстээх, киэҥ харахтаах хара бараан Митя Попов диэн уол арахпат буолбута. П. Степанов
2. Тимирчи олорор, оҥхоҕор быһыылаах (киһи хараҕын туһунан). ☉ Глубоко посаженные, запавшие (о глазах)
Эмпэрэлээх хараҕа, эбирдээх түөһэ барыта көстөргө дылы. Амма Аччыгыйа
Дириҥ эмпэрэлээх харахтара Юра төбөтүгэр хатанан ылаллар. А. Фёдоров
Кини эмпэрэлээх хаһылыттыбыт бороҥ хараҕа, киһини таба көрбөккө, сүүрэлии сылдьар. Н. Островскай (тылб.)

Еще переводы:

быччыҥнат

быччыҥнат (Якутский → Якутский)

көр мырчыҥнат
Хабырыыс үрдүк эмпэрэлээх сүүһүн быччыҥнатта. Эрилик Эристиин

үрдүнээҕи

үрдүнээҕи (Якутский → Якутский)

даҕ. Туох эмэ үөһээ өттүнээҕи, туох эмэ үөһээ өттүгэр баар. ☉ Верхний, находящийся выше чего-л., над чем-л.
Сэмэнчик, алааһын үрдүнээҕи солооһуҥҥа сир тиэрэ туран, аллара, күөл кытыытыгар кустар түспүттэрин көрдө. Н. Неустроев
Күөл үрдүнээҕи киэҥ солооһуннар бэркэ үүммүт бурдуктаахтар, тула күрүөлээхтэр. Күндэ
Бурхалей, абатыттан, эмпэрэлээх сүүһүн үрдүнээҕи хойуу хаастарын хамсатта. Эрилик Эристиин

эҥийэ

эҥийэ (Якутский → Якутский)

аат.
1. Үрдүк сир эниэтэ, иҥнэри ньуура. ☉ Покатость, скат, склон возвышенной местности
Эмпэрэлээх күөл эҥийэтиттэн Эмискэ кустар көтөллөр. Эрчимэн
Күн сардаҥата бастаан сис хайалар эҥийэлэрин саба тибиирбитэ. Ойуку
Аарыма буурдар маарга түспэккэ хайа эҥийэтинэн дыабаһан эрдэхтэринэ, …… биир чыпчылҕан түгэнигэр биэстэ ытан субурутта. «ХС»
2. көсп. Дьыл-хонук эргэтэ, бүтүүтэ. ☉ Вторая половина, окончание, конец какого-л. периода времени
Былыргы дьыл мындаатыгар, Урукку дьыл улаҕаатыгар, Эргэ дьыл эҥийэтигэр …… Кыладыкы эбэ хотун диэн Сириэдийбитсиппит эбит. П. Ойуунускай
Олоҕун үтүөтүн олорон бараан эрэр, инники күүтэринээҕэр кэннигэр хаалларбыта баһыйар буолбут, кыһарҕаннаах кырдьар саас бэтэрээ эҥийэтигэр үктэммитин бэйэтэ да билинэр. «Кыым»
◊ Халлаан эҥийэтэ — халлаан саҕаҕа, халлаан намтаан сири кытта силбэһэр уһуга. ☉ Небосклон, край неба
Эҕэрдэлээх илин халлаан эҥийэтин диэкиттэн сиэр сылгы сиэлин кутуругун силэйэ туппут курдук, сиэл-дьаҕыл аартык силэллэ түстэ. Саха фольк. [Күн] намтаан киирэн эрэр сиринэн халлаан эҥийэтэ көмүстүү ыыс-араҕас өҥнөммүтэ. В. Протодьяконов
Илин халлаан эҥийэтиттэн быган тахсан иһэр чараас, быһыттаҕас былыты күн кыһыл көмүс саһарҕатынан дуйдаата. М. Доҕордуурап
ср. тув. эге ‘начало’