аат.
1. Хомуһун, ап күүһүнэн санааны, сүрэҕи сүүйүү. ☉ Волшебство, чародейство
Дьиктини уонна айылҕа күүһүн таһынан күүс булкуһуутугар итэҕэйбэт «абылааһын дьыалатын маастардара» аатырбыт иллюзионист сэкириэтин арыйа сатаабыттара да, кыайбатахтара. ДьДьДь
2. көсп. Бэйэҕэ тардыы, таптатыы, умсугутуу (хол., кэрэ дьүһүнүнэн). ☉ Очарование, обаяние, пленительность
Тылынан киһини абылааһын — дьэ бу кырдьык искусство! И. Данилов

туохт.
1. Ап-хомуһун күүһүнэн санаатын, сүрэҕин сүүйэн, кими эмэни талбыккынан дьаһай. ☉ Околдовывать, завораживать, зачаровывать кого-л. с помощью волшебства, колдовства
Айаҕалыы сатаан Чолбону абылыы сатаатым. Миигин түһээн көрдүн диэн сыттыгын анныгар кистээн сүүтүкпүн, кыптыыйбын уурабын. Туһа суох. И. Гоголев
Ыалдьыбыт кыысчааны хаппахчы иһиттэн ороннору көтөҕөн таһаараллар. Дьон сүрэҕэ бүтүннүүтэ тип-тибигирэс буолар. Биллибэт күүс кинилэри абылыыр. Л. Попов
Кинилэр [оҕонньоттор] илэ сылдьар дэриэтинньиккэ хайа өйдөөх киһи соҕотоҕун табаарыстарыттан быстан хаалыай дии саныыллар. Дэриэтинньик ииртэҕэ, өйүн-санаатын абылаатаҕа. Далан
2. көсп. Таптат, умсугут (хол., олус эйэҕэскинэн, үтүө кэрэ көрүҥҥүнэн). ☉ Очаровывать, пленять (напр., своим обаянием, прекрасным видом)
Таня бэйэтин тутта сылдьар быһыытыгар, тас дьүһүнүгэр туох эрэ киһини абылыыр баар курдуга. Н. Лугинов
Егор туттан-хаптан турара холкута, ыллыыра истиҥэ киһини эрэ абылыах курдук. С. Федотов
Бу сир-дойду иэнигэр эҥин да бэйэлээхтэр үүнэллэр. Хас от салаата, сарбынньаҕа, лочугурас төбөтө хараҕы умсугутан абылыыллар. П. Аввакумов

1) заколдовывать, околдовывать; 2) перен. привораживать, очаровывать, пленять.