аат. Үлэттэн тохтоон төһө эмэ кэмҥэ ылыллар сынньалаҥ. ☉ Временное освобождение от работы для отдыха, отпуск
Дьиэлээх тойон сыра бөҕөнөн уоппускатын ылбыта. В. Титов
Сүөдэр Сүөдэрэбис уоппускатыгар чугас аймахтарыгар …… күүлэйдээн баран, онон сөп буолан, куоратыгар төннөн хаалааччы. П. Аввакумов
Уоппуска ылан, оҥостон тахсан Уһун сайыны манна атаарыам. И. Егоров
◊ Академическай уоппуска көр академическай (акадьыамыйа)
Люся үөрэҕин тохтотон, академическай уоппуска ылбыта. В. Титов

туохт.
1. Тугу эмэ гынаргын тохтот. ☉ Прекращать, переставать делать что-л. Манчаары Тураах Уйбааҥҥа сылдьарын уураппат. МНН
Уол ытыырын ууратан, бөтүөхтүү-бөтүөхтүү, хараҕын уутун сотто турда. Амма Аччыгыйа
Борокуоппай оччоҕо маһы кыһарын ууратан, уолун көтөҕөн ылан ньилбэгэр олордор уонна сыллаан ылар, оҕо сыта дьырылаан үчүгэй даҕаны! А. Бэрияк
Ира, ордук-хос тылгын баһаалыста уурат. Дьүөгэ Ааныстыырап
2. Кими эмэ туохтан эмэ (хол., дуоһунаһыттан, үлэтиттэн) босхолоо. ☉ Освобождать, отстранять кого-л. от чего-л. (напр., должности, работы)
Уйбааны бэйэтин холкуос бэрэссэдээтэлиттэн ууратарга сөп буолла. Амма Аччыгыйа
Обсерватория партийнай тэрилтэтэ кинини үлэтиттэн ууратар туһунан Акадьыамыйаттан көрдөһөргө уураах таһааран кэбиспитэ. В. Яковлев
Оскуола уопсай мунньаҕар Никитини буруйдаан дириэктэриттэн ууратарга быһаарбыттар. КНЗ ОО
3. Туох эмэ (хол., сокуон, уураах) үлэлиир күүһүн көтүр, дьиҥэ суоҕунан аах. ☉ Объявлять недействительным то, что было установлено ранее, отменять (напр., закон, распоряжение)
Сэбиэскэй былааһы бэрт дөбөҥнүк уурата охсор санаалаахтар. Амма Аччыгыйа
[Суут] Абдуркулланы ытартан ууратан, Енисей күбүөрүнэтигэр Туруханскай уокуругар уон сыл көскө анаабыта. Эрилик Эристиин
Сэбиэттэр Бүтүн Саха сиринээҕи үһүс сийиэстэрэ халыымы (дьахтары атыылааһыны) ууратар туһунан аналлаах уурааҕы таһаарбыта. А. Бэрияк