аат.
1. Ханнык эрэ прибор эбэтэр оҥоһук. ☉ Какой-л. прибор или механическое устройство
Тэлэгирээп аппараатыгар дуу, иистэнэр массыынаҕа дуу хам хатанан олорордооҕор ордук ини. Софр. Данилов
«Төлөпүөннээ, төлөпүөннээ», — дириэктэр ол-бу кумааҕы быыһыгар турар төлөпүөн аппараатын Сүөдэр Сүөдэрэбис диэки сыҕарыччы аста. П. Аввакумов
Сонно тута морзе аппараатын күлүүһэ үлэлээн табыгыраан барар. Н. Якутскай
2. Киһи этин-сиинин ханнык эмэ биир суол үлэтин толорор уорганнар холбоһуктара. ☉ Совокупность органов, выполняющих какую-л. особую функцию организма
Ол [анабас] балык тыынар аппараатын хайыыта олус синньигэс уонна элбэх, онон уута суох өр сылдьыан сөп. ДьДьДь
Чинчийии көрдөрөрүнэн, бальзам удьуордааһын аппараатыгар дьайбат эбит. Г. Угаров
3. Салайыы, хаһаайыстыба ханнык эмэ салаатын дьаһайан үлэлэтэр тэрилтэлэр холбоһуктара. ☉ Совокупность учреждений, обслуживающих какую-л. отрасль управления, хозяйства
Салайыы аппараата капитализм усулуобуйатыгар эмиэ наада. ЭБТ
4. Салайыы ханнык эрэ салаатыгар баар тэрилтэ үлэһиттэрэ бүтүннүүтэ. ☉ Совокупность сотрудников учреждения, организации какой-л. области управления
[Т.К. Егоров] биэнсийэҕэ тахсыар диэри Саха АССР Аһылыгын бырамыысыланнаһын министиэристибэтин аппараатыгар үлэлээбитэ. ССС
[Райком сэкирэтээрэ] Василий Корнилович, бэйэтэ аппараатын сорох үлэһиттэрин кытта сөбүлэһэн баран, тыйаатыр режиссерун тылын үөрүүнэн ылыммыта. АҮ