союз разд. -перечислит. то... то...; ардыгар хаамар, ардыгар сүүрэр то ходит, то бегает # ол икки ардыгар между тем; сорох ардыгар иногда.

I
көр икки ардыгар
[Партизаннар] чэй кутан, чааскылары уурталыах ардыгар тиийбэккэ, ытыстарыгар түһэрэн истилэр. Эрилик Эристиин
II
көр арыт
Ардыгар кэпсэтэр, Ардыгар сарылыыр. С. Васильев
Ардыгар чуопчаарар татыйык тылыгар, Ардыгар чараҥым наҕылхай суугунугар Амарыых-амарах кылыһах ырыаҕа Ким эрэ харыастар саҥата иһиллэр. С. Данилов

сыһ. Сороҕор. ☉ Иной раз, иногда
Төһө да сырыы ахсын түбэспиччэ көрсүспүт курдук буолбуттарын иһин, уол арыт-ардыгар көһүтэр быһыылаах дуу диэн кыыс уорбалыы саныыр. Софр. Данилов

1. аат дьөһ.
2. Икки, бөлөх, элбэх предметтэр ыккардыларынааҕы хайааһын буоларын бэлиэтээн, абстрактнай, миэстэ сыһыанын көрдөрөр. ☉ Выражает абстрактно-пространственные отношения, употребляясь при указании на предметы, среди, между которых совершается действие (между)
   Олох дьиҥнээх муҥун уонна түүл албын дьолун икки ардыгар кини эргичиҥнии турда. Амма Аччыгыйа
   Чэ, ити кэпсээммит бэйэбит ыккардыбытыгар хааллын. А. Софронов
   Учуутал уонна үөрэнээччилэр икки ардыларыгар үөскээн испит көстүбэт ситимнэр бысталанан симэлийэн бардылар. Софр. Данилов
3. Бириэмэ сыһыанын бэлиэтээн, ханнык эмэ икки кэм быыһыгар буолар хайааһыны бэлиэтииргэ туттуллар. ☉ Выражает временные отношения, указывая на то, что действие совершается между двумя временными точками (между)
   Чэ, бука, бүгүн түөртүүр икки киэһэ ынах икки ардыгар илдьээр. Хааллым эн оҕоҥ Чүөчээски. Суорун Омоллоон
4. Ханнык эмэ кэм иһигэр хайааһын буоларын көрдөрөр (үксүн саҥарааччы хайааһын күүтүллүбэтэх түргэнин-дөбөҥүн сөбүлээбэт, дьиктиргиир уо. д. а. сыһыанын көрдөрөр дэгэттэнэр). ☉ Употребляется при обозначении времени, срока, в течение которого совершается действие (в, в течение, на протяжении - часто имеет модальный оттенок знач., выражая неодобрение, удивление и т. п. эмоции говорящего по поводу неожиданной скоротечности действия)
   Биир күн икки ардыгар бүппэт үлэ быһыылаах. Ама, уон мүнүүтэ икки ардыгар хас да тэрилтэҕэ сылдьа охсубут үһүгүөн?! Ол икки ардыгар туох уларыйыы буолла? Яков Андреев бэҕэһээ икки ардыгар миигин кытта кэпсэтиэн да баҕарбат буолбут. М. Доҕордуурап
5. ситим т. суолт. Бириэмэ сибээһин көрдөрөр, салаа этии хайааһына буолуон иннинэ тутаах этии хайааһына буолбутун бэлиэтиир. ☉ Употребляется для присоединения придаточного предложения к главному, указывая, что действие главного предложения предшествует действию придаточного (прежде чем)
   Онтукабыт баара, дьиэбэр кэлиэм икки ардыгар, оҕом хайы үйэҕэ ылбыт. Суорун Омоллоон
   Чэйдиэхтэрин икки ардыгар, сарсыардааҥҥы им сырдаан тиийэн кэллэ. Амма Аччыгыйа
   Саргылаана чаһытын көрүөн икки ардыгар, көрүдүөргэ чуораан умайыктанна. Софр. Данилов