Якутские буквы:

Якутский → Якутский

аҥаардастыы

сыһ. Биир кэм, наар, мэлдьи. ☉ Все время, постоянно
Туох да өллөйө — аһыныыта суох аҥаардастыы атаҕастанарга анаппыт эбиппин. А. Софронов
Суох, наар дьон итэҕэстэрин эрэ аҥаардастыы бэлиэтии үөрэнэн, кини [Тогойкин] дьон үтүө өттүлэрин өйдөөн көрбөт буола охсубут. Амма Аччыгыйа
Соторутааҥҥа диэри АХШ аан дойду алмааһын аҥаардастыы апчарыйан олорбута. И. Данилов

аҥаардастаа

туохт.
1. Биир өттүгэр иҥнэри тарт, түс (ындыы туһунан). ☉ Переваливать, перетягивать на одну сторону (о вьюке). Акка ыҥыырдаатахха, аҥаардастаабат тэҥнэр (өс хоһ.)
2. Ханнык эрэ кэрдиис кэми аһара бар. ☉ Переходить какой-л. срок, предел во времени
Онтон Алта уоммун ааһан, Сэттэ уоммун ситэн, Аҕыс уоммун аҥаардастаан, Саһара кырдьан, Салҕа буолпар, Аймах дьонум Аан аттыгар Араҥастаан кээстэрэ. Өксөкүлээх Өлөксөй
3. Ахсаан өттүнэн аҥаарыттан ордугун ылан, баһыйан бар. ☉ Превосходить в количественном отношении, получив больше половины
Тиһэҕэр Толя былаанын өйүүр этии үксээн, куолас аҥаардастаан барбыта. «ХС»

Еще переводы:

сигэнии

сигэнии (Якутский → Якутский)

сигэн диэнтэн хай
аата. Төһө да кытаанаҕын иһин, айылҕаҕа аҥаардастыы сигэнии аанньанан аҕаабат. «Кыым»

байытын

байытын (Якутский → Якутский)

байыт диэнтэн бэй
туһ. Ол эрээри аҥаардастыы фольклор эрэ суругунан уус-уран литература айымньыларынан бэйэтин кылаатын байытынар буолбатах. Софр. Данилов

баһааҕырдыс

баһааҕырдыс (Якутский → Якутский)

баһааҕырт диэнтэн холб. туһ. Специалистар олохтоохтук мөккүһэллэрин оннугар аҥаардастыы ыт иилэн ылбатынан баһааҕырдыһан, кыыллыһан тахсыбыттарын ойуулааһын тутах буолара эрдэттэн сэрэйиллэр. «ХС»

күөмчүлэт

күөмчүлэт (Якутский → Якутский)

күөмчүлээ диэнтэн дьаһ
туһ. Түрмэлэри төлүтэ тэбиэхтэрэ Көҥүллэрин күөмчүлэппиттэр Көччөх курдук көҥүлгэ көтүөхтэрэ. Болот Боотур. [Лоһуор Ньукуус:] Уолбутун тоҕо аҥаардастыы күөмчүлэтиэхпитий, биһиги баарбыт дии. И. Семенов

абылааһыннаах

абылааһыннаах (Якутский → Якутский)

абылаҥнаах диэн курдук
Кини [Соня] Сөдүөт абылааһыннаах кэрэ сабыдыалыгар ылларан, уол сэһэнин аҥаардастыы истэ олордо. Д. Токоосоп
Мин дьиҥнээх искусство диэн итинник күүстээх, абылааһыннаах, сабыдыаллаах буолар эбит буоллаҕа диэн түмүккэ кэллим. Багдарыын Сүлбэ

актыыптаа

актыыптаа (Якутский → Якутский)

туохт. Актыыбынай үлэһит буол, актыып кэккэтигэр сырыт, ааҕылын. ☉ Быть, считаться активистом, быть в активе коллектива
Ол-бу общественнай сорудахтартан хаһан да аккаастамматар да, уһулуччу актыыптаан эмиэ барбат. Н. Габышев
Комсомольскай мунньахха Кэмитиэт сэкирэтээрэ Аҥаардастыы актыыптыыра. И. Гоголев

анат

анат (Якутский → Якутский)

анаа диэнтэн дьаһ
туһ. Туох да өллөйө — аһыныыта суох аҥаардастыы атаҕастанарга анаппыт эбиппин. А. Софронов
Степа мин нэһилиэкпэр үлэҕэ анатан кэлбитэ. И. Федосеев
Бэйэҥ билэ-көрө сылдьан хайдах онно анатаҕын? С. Ефремов

боп-тууй

боп-тууй (Якутский → Якутский)

туохт. Киһи көҥүлүн аҥаардастыы кэһэн, кыраны да көҥүллээмэ. ☉ Лишать человека свободы во всем
Уонна эппит: «Балары арай соруйан бобор-тууйар буоллаххына бэчээттиэҥ суоҕа. Толстойтан, Пушкинтан, Маяковскайтан, Горькайтан …… быһатын эттэххэ, бары классиктартан барыларыттан ылаттаатым», — диэн. Дьүөгэ Ааныстыырап

күөнтээһин

күөнтээһин (Якутский → Якутский)

күөнтээ 2, 3 диэнтэн хай
аата. Бу олоҥхо сүрүн идиэйэтинэн айыы дьонун көҥүл, дьоллоох олохторун, төрөөбүт дойдуларын абааһы күөнтээһиниттэн араҥаччылааһын буолар. СЛ-8
Кэлин тиһэҕэр тиийэн өстөөх салгыҥҥа аҥаардастыы күөнтээһинэ уурайбыта. «Кыым»

сойуустаһыы

сойуустаһыы (Якутский → Якутский)

сойуустас диэнтэн хай
аата. Биһиги судаарыстыбабыт социальнай төрүтүнэн оробуочайдар, бааһынайдар уонна интэлигиэнсийэ тулхадыйбат сойуустаһыылара буолар. ФММ ДьКС
Кэргэнниилэртэн хайалара даҕаны кэргэннии сойуустаһыытын бэйэтин аҥаардастыы дьайыытынан көтүрэр (арахсар) кыаҕа суох. СГПТ
Оттон эһиги Англияны кытта сойуустаһыыгыт туох сыаллааҕый? Л. Толстой (тылб.)