хараар диэнтэн тиэт
көрүҥ. Арай Киэсэ ыскылаата ыраахха диэри хараарбахтаан иһэн сүттэ. Н. Лугинов
Баараҕай тиит балларыттаҕас хатырыга төлөн сырдыгар кытарымтыйа хараарбахтыыр. Софр. Данилов
Тойон киһи сирэйэ хараарбахтаан баран, сырдаан кэллэ. И. Гоголев

даҕ. Сааһыра барбыт, кырдьан эрэр. ☉ В возрасте, пожилой
Ыыс араҕас хааннаах, кэтит маччаҕар сүүстээх, кыырыктыйан эрэр баттахтаах, томороон соҕус балларыттаҕас уостаах аҕам киһи утуйан баччыгыныы сытта. Эрилик Эристиин
Аҕам сүрэх сөрүүн, Арай өйө ириэнэх. Аҕам киһи өрүү «Аанньал буолуо» диэмэ. С. Данилов
«Якутскай» сопхуос ынахтарын барытын массыынанан ыыр, ол иһигэр урут илиинэн ыана сылдьыбыт аҕам ынахтары эмиэ. «Кыым»

көр балларыттаҕас
Дөлүһүөн Харах [киһи аата] балларыттыгас томороон уостаах, килэйэн көстө сылдьар ап-араҕас тиистээх, таллан эриэнинэн туруору көрбүт харахтаах киһи этэ. М. Доҕордуурап
Эттээх төгүрүк сирэйигэр кыра муруннаах, балларыттыгас уостаах, мадьаҕар сотолоох эдэр киһи күлэн малаарыҥныы турар эбит. Р. Кулаковскай

туохт. Тугу эмэ модорооннук оҥор. ☉ Делать первичную, грубую обработку чего-л.
Суорба хайа сирэйиттэн дьилэй тааһы логлорутан ылан, баллырдаан баран, уунан өрө уһааран аҕалан, дьиэлэригэр суоруна тааһа, чочу, буруус оҥортууллара. Болот Боотур
Арай бэрт өрдөөҕүтэ мантан чугас хайаттан тимири булан туһанар буолбуттара. Туттар сэп баллырдаан оҥостоллор үһү. А. Сыромятникова
Мин сэбэрэм салаҥ уус баллырдаабыт Мас эмэгэтинии, балларыттаҕас да буоллар, Сүрэҕим сытыган эрбэһининэн Бүөлүү үүнэ илик. И. Гоголев
Тиэтэлинэн суоран баллырдаан оҥоһуллубут уһун мас остуол балаакка ортотугар тардыллыбыт. И. Никифоров