аат. Быстах кэмҥэ олорорго аналлаах мас дьиэ. ☉ Барак
Кырдьаҕас оробуочайдар этэллэр: «Урут хараҥа бараактарга ыксан олорорбут, сатаатар иһэр чэйбит туустаах буолара». М. Доҕордуурап
Мас кэрдээччилэр хатырыга сулламматах бэрэбинэлэринэн тутуллубут уһун бараактарга олороллор. Н. Якутскай
◊ Иирэр бараак кэпс. – өйүнэн ыалдьыбыт киһини тутар, эмтиир дьиэ. ☉ Психиатрическая больница
Доҕорун көрөөт, Михаил Иванович тулуура, дьэ, тоҕо барда: «Тоҕо миигин манна аҕаллыгыт? Бу иирэр бараак быһыылаах, ол аата мин иирэн эрдэҕим». Н. Лугинов
Ити киирэн күһүнүгэр «Иирэр бараак хотунтан» Эмиэ сытан тахсан баран Уонча эрэ хонукка Олорбута Налбыһах. Күннүк Уурастыырап