уст. венчать (совершать бракосочетание).

туохт. Таҥара дьиэтин сиэрин-туомун толорон, кэргэннии буолууну бигэргэт. ☉ Венчать, обвенчать
Кини [Доропуун] кыыһын халыҥ харчыга, ыарахан сулууга, улахан халыымҥа биэрбитин, чып кистэлэҥинэн таҥара дьиэтигэр илдьэн, кыыһын сөбүлээбэт киһитин кытта бэргэһэлэтэн кэбиспитин барытын мэлдьэһэн кубарыппыта. А. Бэрияк
Ыаллыы олорор нэһилиэктэн, Ыар сыаналаах халыым кутан, Аҕабыыкка бэргэһэлэтэн, Аймахтарын арыаллатан, Күтүөттээх кийиит күүттэрэннэр, Дьиэлэригэр тиийэн кэлэллэр. Дьуон Дьаҥылы

I
туохт. Бэргэһэ биэр, бэргэһэнэн хааччый. ☉ Снабжать шапкой, дать шапку
Туомун толороору Тугут бэргэһэлээтилэр, Былыргыттан былахтаһан булбут Былаат сыыстаатылар. Өксөкүлээх Өлөксөй
II
туохт. Таҥара дьиэтин сиэрин-туомун толорон, кэргэннии оҥортоо (аҕабыыт туһунан). ☉ Венчать, совершать обряд бракосочетания (о священнике)
Санаан да көр: аҕата биэрбэт, аҕабыыт бэргэһэлээбэт уонна эн хайдах ыал буолаары гынаҕын? Амма Аччыгыйа
Биллэн турар, бэргэһэлээминэ. Бэриги сирбит аҕабыыт диэн баара биллибэт. Бэргэһэлиэхтэрэ да, Петяҕа умса анньан биэриэхтэрэ. М. Доҕордуурап
Уус Маайа таҥаратын дьиэтиттэн аҕабыыт тахсан улахан дьону, кыра оҕолору сүрэхтиир, эдэрдэри бэргэһэлиир үһү. Н. Якутскай

туохт.
1. Төгүрүччү кэрий, кэрийэн көрө сырыт. ☉ Обходить, объезжать, облетать вокруг кого-чего-л.
Икки атахтаах Ириэнэх хааннанан, Ийэ сирин кэриимнээтэ. Өксөкүлээх Өлөксөй
Күнүн аайы бу баай тайҕа үрдүнэн тоноҕосчут курдук уһун кутуруктаах саллаҕар төбөлөөх тимир көтөр ньирилии кэриимниир. И. Гоголев
[Тииҥ] Томтор сир арҕаһын Сарсыарда кэриимниир Уһун тиит чыпчаалын Үрдүгэр чэрэҥниир. С. Васильев
2. эргэр. Дьиэтэ-уота суох буолан ыаллары кэрий, бырадьаагалаа, кэрэдэхтээ. ☉ Скитаться по чужим домам, бродяжничать
Ол эрээри кэҥсэ [айах адаҕата] буолан, нэһилиэги Кэриимниирим баһа биллибэт. Умнаһыт буолан Улууһу ороскуоттуурум баһа биллибэт. Өксөкүлээх Өлөксөй
Умнаһыт буолан кэриимнии барыахтара, үс сыл умналаан аһыахтара. М. Горькай (тылб.)
3. эргэр. Оҕолору сүрэхтии, дьону бэргэһэлии, малыыппа этэ кэрийэ сырыт (былыргы кэриим аҕабыытын туһунан). ☉ Объезжать паству, крестить детей, венчать и т. п. (о странствующих священниках-миссионерах)
Уол төрөөтөҕүн кыһын, аҕабыыт кэриимнии сылдьан Максим диэн уол төрөөбүтүн туһунан суруйбута. П. Филиппов
4. Кэрит, кэритэн үллэр. ☉ Обносить чем-л. по очереди кого-л., распределять что-л. в несколько приемов, повторов между кем-л.
Ити икки ардыгар чаҕардар хас ыалдьыт аайы үрүүмкэ кутуталаан хаста да кэриимнээн бүтэрдилэр. А. Пушкин (тылб.)
5. көсп. Киһиттэн киһиэхэ, ыалтан ыалга тарҕан. ☉ Переходить из уст в уста, из дома в дом (о слухах)
«Тугу гыныахха?» диэн толкуй Кэбээйини биир гына кэриимнээн баран, кэнникинэн кинилэр түөлбэлэнэн сытар Чиҥнээнилэригэр тиийэн кэлэр. «ХС»