даҕ., күүһ.-поэт. ф. Олус эриэккэс, сиэдэрэй, дьиктилээхэй. ☉ Поразительный, чудесный, восхитительный
Эдэр сааһым эргийдэр Эриэккэстэй буолуо этэ. М. Доҕордуурап
Күөрэгэй чыычааҕым Эриэккэстэй ырыатынан Эҕэрдэлии көрүстэ. И. Баишев
Этэ-этэ күлсэн барар Эриэккэстэй кэмнэр бааллар. «Кыым»

1. даҕ. Киһи сөҕүөн курдук, киһини дьиктиргэтэр. ☉ Необыкновенный, восхитительный, приводящий в изумление. Остуоруйа диэнинэн норуот бэйэтин баҕатын, эрэлин, олоҕун-дьаһаҕын туһунан этэр, кэрэхсээн истиллэр дьикти-дьиибэ, фантастическай кэпсээннэрэ ааттаналлар. Саха фольк.
2. аат суолт. Киһи өйдөөбөт, киһи өйүгэр баппат түбэлтэ, көстүү. ☉ Что-л. странное, непонятное, невразумительное
   Дьэ дьикти-дьиибэ буолар эбит - үрүҥнэр былаастарыгар киһини уматар сокуон баар эбит, хабала умайар сокуона суох эбит. П. Ойуунускай
   Тыый! Дьикти-дьиибэ буолар, Туох баар барыта саҥарар. Баал Хабырыыс

даҕ., поэт. Киһи сөҕүөн курдук кэрэ үчүгэй, бэртээхэй (дьикти диэн тылы күүһүрдэн биэрэр). ☉ Поразительный, чудесный, восхитительный (бо `льшая степень проявления признака по сравнению с дьикти)
Ити дьиктилээхэй хоһоон сытыы кылыс, өргөстөөх үҥүү курдук тыллара кини түөһүттэн бэйэлэрэ төлүтэ көтөн тахсарга дылылар. Софр. Данилов
Оҕолор Бүлүү өрүс дьиктилээхэй кэрэ көрүҥнэрин, саҥата суох астына одуулаһан иһэллэр. И. Данилов
Ити дьиктилээхэй бальзам хайдах курдук күүскэ тыынар тыыннаахха дьайарын илэ хараҕынан көрбүт эрэ киһи толору өйдүөн сөп. Г. Угаров

даҕ.
1. Талбыт курдук үчүгэй, сөҕүмэр үчүгэй. ☉ Восхитительный, изумительный, чудный, дивный
Үүйэ таҥнан-симэнэн, оҥостон кэбистэ. Дьэдьэн уга ойуулаах сырдык өҥнөөх былааччыйата кыыс оҕо талба таһаатын, синньигэс биилин, томтоҕор түөһүн чочуйан таһаарда. Л. Попов
Таатта курдук таалар үтүө хонуулаах Талба сири көрбөтөҕүм. Дьүлэй Бүөкээн
Сэгэлдьийэ, үөрэ туттан, Сити илэ бэйэтэ, Хантан кэллэ, хайа тыаттан Тайҕам талба табата. И. Эртюков
Мин урут даҕаны, хойут да үгүс талба, мааны урсуннаах сирэйдээх дьахталлары көрдүм ини. Н. Габышев
2. Бастыҥ хаачыстыбалаах, үчүгэй оҥоһуулаах. ☉ Лучший по качеству, наилучший. Талба табаар
□ Хара киис талба түүтүнэн Халлаан аргыый сабылынна, Халыйан кэллэ хараҥа түүн, Отуу уота умулунна. П. Тобуруокап
Биэриҥ бэргэһэ талбатын. Күн Дьирибинэ
Музей дириэктэрэ …… бүтэһиккэ аны биһигини узбектар талба бүлүүдэлэринэн күндүлээтэ. «ХС»
ср. тюрк. таллаба, талдама ‘выбранный; прекрасный’