туохт., кэпс. Салгымтыалаахтык арахсыбакка күлүү гын, оонньуу оҥоһун. ☉ Высмеивать кого-л., насмехаться, издеваться над кем-л.
Онуманы сэлэһэ оонньуу-күлэ, найаанныы, Бойкин Митя биир киэһэ Доҕуурабар айанныыр. Р. Баҕатаайыскай
[Уолаттар] кыһыытыттан сирэйэ кытаран хаалбыт кыра доҕордорун найаанныыллар. Сэмээр Баһылай
Куруук күлэрин, н айаанныырын иһин Рая да маҥнай киниттэн дьулайар этэ. В. Короленко (тылб.)

аат. Киһини түһэрэн тугунан эмэ күлүү гыныы. ☉ Обидная шутка, издёвка, насмешка
[Маня:] Ама сааһым тухары дьон элэгэр сылдьыах бэйэм дуу? С. Ефремов
«Сууттан-майырдан! Бэрээдэк аата бэрээдэк — толоруохтааххын», — киһитин элэгэр суолта биэрбэккэ туран завгар көнөтүнэн эппитэ. В. Титов
Кини кыыһыран, кими эмэ кытта үөхсүбүт сураҕа иһиллибэт. Кэргэнэ мөҕөн түптэлээтэҕинэ, элэгинэн көмүскэнээччи. М. Доҕордуурап
♦ Эриэн ыт элэгэр, күөрт ыт күлүүтүгэр бар (ыыт) — күөрт ыт күлүүтүгэр, эриэн ыт элэгэр бар диэн курдук (көр күөрт II)
Ньахчайа сытыйбыт, ыт сиир уҥуоҕа баҕалаах, Чаппа уола Мэхээлэ эриэн ыт элэгэр, күөрт ыт күлүүтүгэр ыытта. Амма Аччыгыйа
«Миигин кырдьар сааспар, өлөр үйэбэр биир кыыс оҕо эриэн ыт элэгэ, күөрт ыт күлүүтэ оҥордо, тоойуом», — диэтэ ытыахча буолбут Дьаакыбылап кулуба. Н. Якутскай
Аны чыркымайдарга сыгааннатарыҥ, эриэн ыт элэгэр, күөрт ыт күлүүтүгэр барарыҥ хаалбыт эбит. Н. Заболоцкай
◊ Элэк гын (оҥоһун, тут) — кими эмэ күлүү гын, хаадьылаа, дьээбэлээ. ☉ Выставлять на смех, высмеивать когочто-л., насмехаться над кем-чем-л. [Кыргыттар] Этэрбэс таҥастааҕы Элэк гыннылар Силээхтэ киһини Сэргэхтик көрдүлэр. Өксөкүлээх Өлөксөй
[Настаа:] Кэлимээри гынна эбээт, элэк оҥостон ыҥырбыта буолуо, соруйан элэк оҥостон. Күндэ
Оҕонньору көрөөт, кини [Тэрэнтэй Адаамап] мичээрдээн ылла, ол Мөрүөн санаатыгар кинини элэк гынаары, биитэр сэтэрээри оҥостон олорор киһи курдук көһүннэ. Д. Таас
ср. др.-тюрк. елик, хак. элик, монг. элэг ‘насмешка’