имеющий какую-л. дикцию, с... дикцией; үчүгэй дикциялаах диктор диктор с хорошей дикцией.

аат.
1. Хаһыакка бэчээттэммит эбэтэр эркиҥҥэ ыйаммыт билиһиннэрэр сыаллаах кылгас сурук, сурах, араадьыйанан, тэлэбиисэринэн иһитиннэрии. ☉ Объявление, сообщение
Сотору тахсан ааҥҥа биллэрии сыһыарда. М. Доҕордуурап
Ханна эрэ улахан уулусса диэкиттэн диктор саҥата информбюро биллэриитин ааҕара күһүҥҥү сөрүүҥҥэ дуораһыйан иһиллэрэ. Г. Колесов
Түннүк аттыгар кэнсэлээрийэ остуола, хас да олоппос, истиэнэҕэ — бирикээстэр, биллэриилэр. Ю. Чернов (тылб.)
2. кэнс. Туох эмэ туһунан сэрэтэр, биллэрэр ис хоһоонноох докумуон. ☉ Извещение, уведомление
Барсуков баай биллэриитин ылаат, Чаараттан Толстоухов үрүҥ этэрээтэ Маачаҕа тоҕо ааҥнаан кэлэр. Н. Якутскай
Онтон биир ыйынан улахан убайым Кеша туһунан биллэрии кэлбитэ. Амма Аччыгыйа
Биһиги Майа байаҥкамаатыттан Сэбиэскэй Сойуус Геройа Попов Федор Кузьмич геройдуу өлбүтүн туһунан биллэриини аахпыппыт. Софр. Данилов

сыһ., кэпс.
1. Киэҥник мэндээрийэн, мэндээриччи (уһун — хол., өрүс). ☉ Плавно, размеренно (течь — напр., о реке)
[Амма өрүс] бобо ылан буойа-хаайа сыппыт дьаптал мууһун дьэ хоҥнорон, саймаара-туймаара, сайгыччы уста сытта. С. Федотов
2. Дьалкыччы, дьалкылдьыччы хамсанан (бар, кэл). ☉ Широко, размашисто (шагать, ходить)
Кылгас-кылгастык кичэриһэ тыынан, сайгыччы хааман, диктор Михаил Белолюбскай киирэн кэлэр. С. Данилов
Саадьаҕай оҕус, Сайгыччы соҕус айаннаан иһиий, Алааспар тиэрдиий! П. Тобуруокап
Икки илиилэригэр сылаас үүттээх биэдэрэлэри буруолаппытынан сайгыччы көтөҕөн, ыанньыксыттар титииктэн тахсаллар. ВМП УСС
△ Адаарыччы, адаарыччы тардыалаан (суруй). ☉ Размашисто, размашистым почерком (писать)
[Масленников] Нехлюдовка хаайыыга олорор мещанка Маслованы кытта түрмэ хонтуоратыгар көрсөрүгэр көҥүллүүбүн, …… диэн баран сайгыччы илии баттаан кэбистэ. Л. Толстой (тылб.)
△ Налыччы көмнөхтөөн (хаар түһэрин этэргэ). ☉ Неторопливо, размеренно (падать — о снеге)
Суруйарбын тохтотон, хараҥа ойуурга кыһайан, хаар хайдах сайгыччы түһэрин оҕолуу кыҥастастым. Н. Габышев
3. Киэҥник эргитэн, көҥүллүк-холкутук (саҥар, эт). ☉ Обстоятельно, степенно (напр., обдумывать что-л., рассказывать о чём-л.)
Баһыкка, үгүс күндьыл устатыгар сүрэҕэр сөҥөрдөн сылдьыбыт санааларын уу чуумпуга, ыксаабакка, тиэтэйбэккэ сайгыччы санаан, хайдах эрэ чэпчии быһыытыйда. Софр. Данилов
Биһиги кириитикэбит, кыраҕа кыһаммакка, санааны киэҥ дуолга көҥүл уста сылдьан сайгыччы этэргэ бэрдин ордорон, ордук проза бөдөҥ айымньыларын куду харбыыр. П. Аввакумов